ଓଡ଼ିଶା ଫାଷ୍ଟ( ବ୍ୟୁରୋ): ଗୁଜରାଟ ଫେରନ୍ତା ପ୍ରବାସୀ ଓଡ଼ିଆ ଅନେକ ଅସୁବିଧାର ସମ୍ମୁଖୀନ ହେଉଛନ୍ତି । କେତେବେଳେ ଦୁର୍ଘଟଣା ତ ଆଉ କେତେବେଳେ ରାସ୍ତାରେ ବସ ଖରାପ ହେଉଛି ।
ସେହପରି ଆଜି ଭୋର ସକାଳ ୬ଟା ସମୟରେ ଗୁଜରାଟର ସୁରଟରୁ ଏକ ବସ ଆସି ଖେମଳା ରାଜରାସ୍ତା ଉପରେ ଅଟକି ରହିଥିଲା । ଦୁର୍ଭାଗ୍ୟ ବଶତଃ ବସ ଖରାପ ହୋଇଥିଲା । ଏହି ବସରେ ୨୨ ରୁ ୨୫ ଜଣ ଯାତ୍ରୀ ଥିଲେ ସମସ୍ତ ଯାତ୍ରୀ କଣିହାଁ ବ୍ଲକର ବୋଲି ଜଣା ପଡ଼ିଥିଲା । ଖବର ପାଇ ସ୍ଥାନୀୟ ବିଧାୟକ ଶ୍ରୀ ମୁକେଶ କୁମାର ପାଳ ତୁରନ୍ତ ସେମାନଙ୍କ ପାଇଁ ଜଳଖିଆ ବ୍ୟବସ୍ଥା ସହିତ ପ୍ରଶାସନର ସାହାଯ୍ୟରେ ଆଉ ଏକ ସ୍ଥାନୀୟ ବସର ବ୍ୟବସ୍ଥା କରିଦେଇଥିଲେ ।
