ଓଡ଼ିଶା ଫାଷ୍ଟ(ବ୍ୟୁରୋ): ମନୀଷ ଅନୁରାଗଙ୍କ ମୃତ୍ୟୁ ରହସ୍ୟର ଜିରୋ ପଏଣ୍ଟରେ ପହଁଚି ସାରିଛି କମିଶନରେଟ ପୋଲିସ । କେବଳ ଖୁଲାସାକୁ ଅପେକ୍ଷା। ଏହି ମାମଲାକୁ କମିସନରେଟ ପୋଲିସର ଇନଫୋସିଟି, ତମାଣ୍ଡୋ ଥାନା ପୋଲିସ ତଦନ୍ତ କରୁଥିବା ବେଳେ ସ୍ପେଶାଲ ସ୍କ୍ବାର୍ଡ ଏହି ମାମଲାକୁ ମନିଟରିଙ୍ଗ କରୁଛି । ପୋଲିସ ହାତରେ ଏହି ମାମଲାର ଅନେକ ସୁରାଗ ଲାଗି ସାରିଲାଣି । ଏହା ଏକ ହତ୍ୟାକାଣ୍ଡ ବୋଲି ବୋଲି ସୂଚନା ମିଳୁଛି । ସେଦିନ ମନୀଷଙ୍କ ସହିତ ହୋଟେଲରେ ଦେଖାଯାଇଥିବା ଚାରିଜଣଙ୍କୁ ପୋଲିସ ପଚରା ଉଚୁରା ଆପାତତଃ ଶେଷ କରିଛି । ଏହି ଚାରି ଜଣଙ୍କଠାରୁ ଅନେକ କିଛି ତଥ୍ୟ ପାଇଛି ତଦନ୍ତକାରୀ ଦଳ । ଯେଉଁଥିରେ ମନିଷଙ୍କର କେମିତି ମୃତ୍ୟୁ ହେଲା ପୋଲିସ ଖୁବଶୀଘ୍ର ଖୁଲାସା କରିପାରେ।
ମନୀଷ ସେଦିନ ରାତି କଟାଇଥିବା ସାଉଥ ସିଟି ହୋଟେଲର ଏକ ଭିଡିଓ ଭାଇରାଲ ହେବାରେ ଲାଗିଛି । ଦେଖନ୍ତୁ ଏହି ଭିଡିଓକୁ । କିଭଳି ଏହି ହୋଟେଲ ଭିତରେ ଚାଲିଥିବା ନାଇଟ୍ ପାର୍ଟିରେ ଯୁବକ ଯୁବତୀମାନେ ନିଶାସକ୍ତ ଅବସ୍ଥାରେ ନାଚ ଗୀତରେ ମାତିଛନ୍ତି । ଆଉ ନାଚୁଥିବା ଯୁବତୀ ମାନଙ୍କ ଉପରକୁ ଟଙ୍କା ଉଡାଉଛନ୍ତି କିଛି ଯୁବକ । ଗତ ଅଗଷ୍ଟ ମାସରେ ସାଉଥ ସିଟି ହୋଟେଲରେ ଚାଲିଥିବା ପାର୍ଟିରେ ଦୃଶ୍ୟ ଭାଇରାଲ ହୋଇଛି। ଏବେ ରହସ୍ୟଜନକ ମୃତ୍ୟୁ ପରେ ପୋଲିସ ହୋଟେଲକୁ ସିଲ କରିଛି। କିନ୍ତୁ ପୂର୍ବରୁ କାହିଁକି ଏହି ହୋଟେଲ ବିରୋଧରେ କାର୍ଯ୍ୟାନୁଷ୍ଠାନ ନେଇନଥିଲା ତାହା ପ୍ରଶ୍ନବାଚୀ ସୃଷ୍ଟି କରିଛି।