କଟକ : ମାନସ ସ୍ବାଇଁ ହତ୍ୟାକାଣ୍ଡ ମାମଲାର ସମସ୍ତ ଅଭିଯୁକ୍ତଙ୍କୁ ଧରି କ୍ରାଇମବ୍ରାଞ୍ଚ ଟିମ୍ ଫେରିଲା । କ୍ରାଇମବ୍ରାଞ୍ଚ ମୁଖ୍ୟାଳୟକୁ ଫେରିଲା ତଦନ୍ତକାରୀ ଟିମ୍ । କିଛି ସମୟ ପୂର୍ବରୁ ୪ ଅଭିଯୁକ୍ତଙ୍କୁ କଡ଼ା ସୁରକ୍ଷା ମଧ୍ୟରେ ଅନ୍ୟ ସ୍ଥାନକୁ ନେଇଥିଲା ଟିମ୍ । ଆସନ୍ତାକାଲି କ୍ରାଇମ୍ ସିନ୍ ରିକ୍ରିଏସନ୍ କରିବ କ୍ରାଇମ୍ବ୍ରାଞ୍ଚ । ମାନସଙ୍କୁ କିପରି ହତ୍ୟା କରାଗଲା । ହତ୍ୟା ବେଳେ କିଏ କିଏ ଉପସ୍ଥିତ ଥିଲେ । ସେନେଇ ଛାନ୍ଭିନ୍ କରୁଛି କ୍ରାଇମ୍ବ୍ରାଞ୍ଚ ।
ଖବର ଅନୁଯାୟୀ, ଗୁରୁବାର ଦିନ ସକାଳ ସମୟରେ କ୍ରାଇମ୍ବ୍ରାଞ୍ଚ ଟିମ୍ ୪ଜଣ ଅଭିଯୁକ୍ତଙ୍କୁ ନେଇ କୌଣସି ସ୍ଥାନକୁ ବାହାରିଥିଲା । ହେଲେ ଏହାର କିଛି ସମୟରେ ଜଣେ ଅଭିଯୁକ୍ତଙ୍କୁ ଧରି କ୍ରାଇମ୍ବ୍ରାଞ୍ଚ ମୁଖ୍ୟାଳୟକୁ ଫେରିଥିଲା । ଆଉ ଏହାର କିଛି ସମୟ ପରେ ଅନ୍ୟ ଅଭିଯୁକ୍ତଙ୍କୁ ଧରି ଫେରିଛି ତଦନ୍ତକାରୀ ଟିମ୍ । ତେବେ ଏମାନଙ୍କୁ କେଉଁ ସ୍ଥାନକୁ ନେଇଥିଲା କ୍ରାଇମବ୍ରାଞ୍ଚ । ସେନେଇ କିଛି ସ୍ପଷ୍ଟ ସୂଚନା ମିଳିନାହିଁ । ପ୍ରେସ୍ମିଟ୍ ଜରିଆରେ କ୍ରାଇମ୍ବ୍ରାଞ୍ଚ ସବିଶେଷ ତଥ୍ୟ ଦେବ ବୋଲି ସୂଚନା ମିଳିଛି ।