ଭାରସାମ୍ୟ ହରାଇ ଖାଇକୁ ଖସିଲା ସ୍କୁଲ ବସ । ଏହି ଘଟଣାରେ ୧୬ ଜଣ ପ୍ରାଣ ହରାଇଥିବା ପ୍ରାଥମିକ ତଦନ୍ତରୁ ଜଣାପଡିଛି । ଏଭଳି ଅଭାବନୀୟ ଘଟଣା ଘଟିଛି ହିମାଚଳ ପ୍ରଦେଶ କୁଲ୍ଲୁ ଜିଲ୍ଲାର ସେଞ୍ଜ୍ ଅଞ୍ଚଳରେ । ଆହତଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ଏବେବି ଉଦ୍ଧାରକାର୍ଯ୍ୟ ଜାରି ରହିଛି । ଆଗକୁ ମୃତ୍ୟୁ ସଂଖ୍ୟା ବଢିପାରେ ବୋଲି କୁହାଯାଉଛି ।
ପ୍ରକାଶ ଯେ, ବସଟି ଜଙ୍ଗଲା ଗ୍ରାମରୁ ପ୍ରାୟ ୨୦୦ ମିଟର ଦୂରରେ ଥିବା ଏକ ଖାଇ ତଳକୁ ଖସି ପଡିଥିଲା । ଏଥିରେ ୧୬ ଜଣ ପ୍ରାଣ ହରାଇଛନ୍ତି । ମୃତକଙ୍କ ମଧ୍ୟରେ ଜଣେ ଛାତ୍ରୀ ରହିଛନ୍ତି । ଏହାସହ ୩ ଜଣ ଆହତ ହୋଇଛନ୍ତି । ଆହତଙ୍କ ମଧ୍ୟରେ ଜଣେ ବସ୍ ଡ୍ରାଇଭର, କର୍ମଚାରୀ ଓ ଜଣେ ଯାତ୍ରୀ ରହିଛନ୍ତି ।
କୁହାଯାଉଛି ଯେ, ଏବେବି ଏକାଧିକ ମୃତଦେହ ବସ୍ ମଧ୍ୟରେ ଫସି ରହିଛି । ଯାହାକୁ ବାହାର କରିବା ପାଇଁ ଉଦ୍ୟମ ଜାରି ରହିଛି । ଏହାପରେ ପରେ ହିଁ ମୃତକଙ୍କ ପ୍ରକୃତ ସଂଖ୍ୟା ବାବଦରେ ଜଣାପଡିବ । ତେବେ ଏହି ଅଘଟଣ ସକାଳ ୮ଟା ୪୫ରେ ହୋଇଥିଲା ବେଳେ ବସଟି ଶେନସରରୁ ଓଟ୍ ଯାଉଥିଲା ।