ବିଜେଡି ନେତ୍ରୀ ଙ୍କୁ ଭରସା ଅଭୟ ଡେଉଁରିଆ, ପଶ୍ଚିମ ଓଡ଼ିଶାର ପ୍ରତ୍ୟକ୍ଷ ଦେବୀ ଙ୍କ ପାଖରେ ନବମୀ ଦିନ ହୋଇଥିଲା ପୂଜା, ପଶ୍ଚିମ ଓଡ଼ିଶାର ଜଣେ ପର୍ଯ୍ୟବେକ୍ଷକ ମା’ ଙ୍କୁ ଲାଗି କରି ଏହା ଆଣିଛନ୍ତି, ଏହି ପର୍ଯ୍ୟବେକ୍ଷକ ହେଲେ ଜଣେ ପ୍ରଭାବଶାଳୀ ବିଧାୟକ ଙ୍କ ଅନୁଗତ ଓ ଉପଦେଷ୍ଟା
କଥାଟି ଟିକେ ଅଜବ ଲାଗୁଥିଲେ ମଧ୍ୟ ଏହାକୁ ନେଇ ଚର୍ଚ୍ଚା ଜୋର ଧରିଛି । ଏହି ନେତ୍ରୀ ଜଣକ ଗତ ନିର୍ବାଚନରେ ନିଜକୁ ନିଜେ ବିଧାୟିକା ଟିଏ ହେବା ପାଇଁ ଲବୀ କରିଥିଲେ । ମାତ୍ର ତାଙ୍କୁ ଏ ସୁଯୋଗ ମିଳି ନଥିଲା । କିଛି ବିଶିଷ୍ଟ ଓ ପ୍ରଭାବଶାଳୀ ବ୍ୟକ୍ତିଙ୍କ ସହ ତାଙ୍କ ସମ୍ପର୍କ ଥିବାରୁ ଆତ୍ମଗର୍ବ ରେ ନେତ୍ରୀ ଜଣକ ପରିପୂର୍ଣ୍ଣ । ଏହା ଆମେ କହୁନାହୁଁ ବିଜେଡିର ଦଳର ଛୋଟ ବଡ଼ ନେତାଙ୍କ ମୁହଁର ନୀତି ଦିନିଆ ଚର୍ଚ୍ଚା । ଆଗକୁ ସାଧାରଣ ନିର୍ବାଚନ ରହିଛି । ତେଣୁ ଭୁବନେଶ୍ୱର ର ଜଣେ ପାୱାରଫୁଲ ବିଧାୟକ ଙ୍କ ପାଖରେ ସେ ସରଣାଗତ । ବିଧାୟକ ମଧ୍ୟ ସମସ୍ତ କାର୍ଯ୍ୟକ୍ରମ ରେ ଉକ୍ତ ନେତ୍ରୀଙ୍କୁ ସାଙ୍ଗରେ ନେଇ ଯାଉଛନ୍ତି । ଏପରିକି ରାଜଧାନୀରେ ଅନୁଷ୍ଠିତ ସମସ୍ତ କାର୍ଯ୍ୟକ୍ରମ ରେ ତାଙ୍କୁ ଅତିଥି ଭାବେ ନିମନ୍ତ୍ରଣ କରିବାକୁ ସମସ୍ତଙ୍କୁ କହି ବୁଲୁଛନ୍ତି । କଳ ବଳ କୌଶଳ କ୍ରମେ ଉକ୍ତ ନେତ୍ରୀଙ୍କୁ ଲୋକସଭା ସାଂସଦ ହେଉ କିମ୍ବା ରାଜ୍ୟସଭା ସାଂସଦ ହେଉ ସତେ ଯେମିତି ବିଧାୟକ ଜଣକ ଅଣ୍ଟା ଭିଡିଛନ୍ତି ।