ଓଡ଼ିଶା ଫାଷ୍ଟ(ବ୍ୟୁରୋ): ଦ୍ୱିତୀୟ ଓଡିଶା ରାଜ୍ୟ ସ୍କେଟିଂ ପ୍ରତିଯୋଗିତା ଚଳିତ ମାସ ୩୦ ଏବଂ ୩୧ ତାରିଖ, ବଲାଙ୍ଗିର ଜିଲ୍ଲା କଣ୍ଟାବାଞ୍ଜି ସହରରେ ଥିବା ମୁସକାନ ଇଣ୍ଟରନାସନାଲ ସ୍କୁଲରେ ଅନୁଷ୍ଠିତ ହେବାକୁ ଯାଉଅଛି । ଏଥିରେ ଭାଗ ନେବା ଲାଗି ପୁରୀ ଜିଲ୍ଲା ସ୍କେଟିଂ ଟିମର ପ୍ରସ୍ତୁତି ପର୍ବ ଶେଷ ପର୍ଯ୍ୟାୟରେ ଅଛି ।
ଟିମର କୋଚ ଶ୍ରୀ. ଏନ. ସିନୁ ରାଓ ଙ୍କ କହିବା ଅନୁଯାୟୀ, ସମସ୍ତ ପ୍ରତିଯୋଗୀ ଫୁଲଫର୍ମରେ ଅଛନ୍ତି । ସେମାନେ ମେଡାଲ ପାଇବା ସୁନିଶ୍ଚିତ । ଭାଗ ନେବାକୁ ଯାଉଥିବା ପ୍ରତିଯୋଗୀମାନେ ହେଲେ, ସଞ୍ଜିବ ବେହେରା, ପି ରାଜା ରାଓ, ସୂଜଳ ଦାଶ, ଶ୍ରେୟାଶ୍ରୀ ବଳିୟାରସିଂହ, ହୃଷିକେଶ ବେହେରା, ଜି. ଜଗଦିଶ, ସିକିଟି ଜଗା, ଚିନୁ, ଡି ସୁରେନ୍ଦ୍ର, ଡି ବିଶ୍ୱନାଥ, ବିନାୟକ ଶଙ୍କର ।
କୋଚ ଶ୍ରୀ. ରାଓ ଙ୍କ ନେତୃତ୍ୱରେ, ପୁରୀ ଟିମ ଆସନ୍ତା କାଲି ସନ୍ଧ୍ୟାରେ ରେଳ ଯୋଗେ କଣ୍ଟାବାଞ୍ଜି ଲାଗି ଯାତ୍ରା ଆରମ୍ଭ କରିବ । ଏଥିଲାଗି ଜିଲ୍ଲା କ୍ରୀଡା ଅଧିକାରୀ ଶ୍ରୀ ଚନ୍ଦନ କୁମାର ସାହୁ, ଜିଲ୍ଲା ସ୍କେଟିଂ ଟିମର ସମ୍ପାଦକ ଶ୍ରୀ ରାହୁଲ କୁମାର ଝା ଏବଂ କୋଷାଧକ୍ଷ ଶ୍ରୀ ଅଭୟ କୁମାର ମହାନ୍ତି ସମସ୍ତ ପ୍ରତିଯୋଗୀଙ୍କୁ ଶୁଭେଚ୍ଛା ଜଣାଇଛନ୍ତି ।