ପୁରୀ (ଓଡ଼ିଶା ଫାଷ୍ଟ ବ୍ୟୁରୋ): ଜ୍ୱରରୁ ସୁସ୍ଥ ହେବା ପରେ ଶ୍ରୀଜିଉ ଆସନ୍ତା ବୁଧବାର ଭକ୍ତଙ୍କୁ ନବଯୌବନ ବେଶରେ ଦର୍ଶନ ଦେବ । ଯାହାକୁ ଦେଖିବା ପାଇଁ ଭକ୍ତଙ୍କ ଅପେକ୍ଷା ନୀତି ନିର୍ଘଣ୍ଟ ମୁତାବକ ଭୋର ୬ଟାରୁ ଚକା ଅପସର ହେବ । ଏହା ପରେ ମଙ୍ଗଳାଳତି, ବଢ଼ି ମଇଲମ, ଅବକାଶ, ଦଶ ଅବତାର ଦିଅଁଙ୍କ ବାହୁଡ଼ା ବିଜେ ହୋଇ ଅନବସର ପଟି ଖୋଲିବ । ପରେ ମହାପ୍ରଭୁଙ୍କୁ ନବଯୌବନରେ ଭକ୍ତ ଦର୍ଶନ କରିବେ ।
ସକାଳ ୮ଟାରୁ ଏକ ଘଣ୍ଟା ପାଇଁ ପରିମାଣିକ ଦର୍ଶନ ଚାଲିବ । ଏହା ପରେ ପରେ ସର୍ବସାଧାରଣଙ୍କ ପାଇଁ ସାହାଣମେଲା ଦର୍ଶନ ଏକ ଘଣ୍ଟା ଧରି ଚାଲିବ । ଜଗମୋହନ ସ୍ଥିତ ଭିତର କାଠରୁ ଭକ୍ତ ଉଭୟ ଦର୍ଶନର ସୁଯୋଗ ପାଇବେ । ଏହା ପରେ ବାହାର କାଠରୁ ଭକ୍ତମାନେ ଦର୍ଶନ କରିବାକୁ ବ୍ୟବସ୍ଥା ହୋଇଛି । ଦଇତାପତି ପ୍ରଭୁଙ୍କ ସର୍ବାଙ୍ଗ ଓ ବନ୍ଦାପନା ବଢ଼ାଇବା ପରେ ନେତ୍ରୋତ୍ସବ ବନ୍ଦାପନା ବିଧି ପାଳନ ହେବ ।