ଓଡ଼ିଶା ଫେରୁଛନ୍ତି କି ବିବାଦ ଘେରରେ ଛନ୍ଦି ହୋଇପଡ଼ିଥିବା ଅଭିନେତା ବାବୁଶାନ୍ ମହାନ୍ତି ? ଭାବୁଥିବେ ଏଭଳି ପ୍ରଶ୍ନ କ’ଣ ପାଇଁ ? କାରଣ ଗତ ଶନିବାର ଠାରୁ ତାଙ୍କ ଭିଡିଓ ଭାଇରଲ ହେଵା ପରଠାରୁ ସେ ଓଡ଼ିଶାରେ ହିଁ ନାହାନ୍ତି । ତେବେ ଓଡ଼ିଶାରେ ତାଙ୍କୁ ନେଇ ବହୁ ଚର୍ଚ୍ଚା ଚାଲିଥିବାବେଳେ ସେ ଚେନ୍ନାଇ ଯାଇଥିଲେ ତାଙ୍କର ଆଗାମୀ ଫିଲ୍ମ ଦମନର ପ୍ରମୋସନରେ । ମାତ୍ର ତାଙ୍କ ଟିମ ଓ ଅନ୍ୟପଟେ ପ୍ରକୃତି ମିଶ୍ର ଓଡିଶା ଫେରିଆସିଥିବାବେଳେ ସେ ଏଯାଏ ଓଡିଶା ଫେରିନଥିଲେ ।
ତେବେ ଆଜି ତାଙ୍କର ଏକ ଭିଡିଓ ଭାଇରଲ ହୋଇଛି । ଯେଉଁଥିରେ ତାଙ୍କୁ ଚେନ୍ନାଇ ଏୟାରପୋର୍ଟରେ ଦେଖିବାକୁ ମିଳିଛି ।ଏହି ଭିଡିଓ ଭାଇରଲ ହେବାପରେ ସେ ଓଡ଼ିଶା ଫେରୁଥିବା ନେଇ ଚର୍ଚ୍ଚା ହେଉଛି । ତେବେ ସେ ଓଡିଶା ଆସିବେ କି ନାହିଁ ତାହା ଆଗାମୀ ସମୟରେ ଜାଣିବାକୁ ମିଳିବ ।