କ’ଣ ସତରେ କୌଣସି କାର୍ଯ୍ୟରେ ଯାଉଥିବାବେଳେ ଯଦି ବିଲେଇ ରାସ୍ତା ଅତିକ୍ରମ କରେ ତାହା ଅଶୁଭ ? ଆସନ୍ତୁ ଜାଣିବା ଏହା ପଛର ସତ୍ୟତା

ଆଜିକାଲି ଅଧିକାଂଶ ଲୋକଙ୍କ ଘରେ ଗୃହପାଳିତ ପଶୁ ଦେଖିବାକୁ ମିଳୁଛି । କେହି କେହି ବିଲେଇମାନଙ୍କୁ ନିଜ ଘରେ ରଖନ୍ତି ତ ଅନେକ ଲୋକ କୁକୁର ପକ୍ଷୀମାନଙ୍କୁ ରଖନ୍ତି । ବାସ୍ତୁ ଶାସ୍ତ୍ରରେ ଏସବୁ ବିରେ କିଛି ନା କିଛି କୁହାଯାଇଛି । ଠିକ୍ ସେହିପରି ଘରେ ବିଲେଇଙ୍କ ଆଗମନ ଶୁଭ ନା ଅଶୁଭ , ତାହା ବିଷୟରେ ମଧ୍ୟ କୁହାଯାଇଛି । ଅନେକ ଥର ଏପରି ଘଟିଛି କି ଆପଣ କୌଣସି ଶୁଭ କାମରେ ଯାଉଛ ଏବଂ ଯଦି ବିଲେଇ ତୁମର ରାସ୍ତା ଅତିକ୍ରମ କରେ, ତେବେ କାମ ବିଗିଡ଼ିଯାଏ ବୋଲି ଲୋକମାନେ ବିଶ୍ୱାସ କରନ୍ତି ।

ଏହା ସହ ବିଲେଇ ରାସ୍ତା କାଟିବା ପରେ କିଛି ଲୋକ ଅଟକିଯାଆନ୍ତି, ନହେଲେ କିଛି ପାଦ ପଛକୁ ଯାଆନ୍ତି । ସେହିପରି ବାସ୍ତୁଶାସ୍ତରେ ବିଲେଇ ସହ ଜଡ଼ିତ ଅନେକ କଥା କୁହାଯାଇଛି । ଏଥିରେ ଜଡ଼ିତ ଶୁଭ ଏବଂ ଅଶୁଭ ଧାରଣା ବିଷୟରେ ମଧ୍ୟ କୁହାଯାଇଛି । ତେବେ ଆସନ୍ତୁ ଜାଣିବା ବିଲେଇମାନଙ୍କ ସହିତ ଜଡିତ ଶୁଭ ଏବଂ ଅଶୁଭ ଜିନିଷ ବିଷୟରେ.

ଶୁଭ ଏବଂ ଅଶୁଭ ସଙ୍କେତ :-

– ବିଲେଇକୁ କଳା ଶକ୍ତିର ପ୍ରତୀକ ଭାବରେ ବିବେଚନା କରାଯାଏ । ବାସ୍ତୁ ଅନୁଯାୟୀ, ବିଲେଇଟି ବାମ ପାର୍ଶ୍ୱରୁ ରାସ୍ତା ପାର ହୋଇ ଡାହାଣକୁ ଗଲେ, ତାହା ଅଶୁଭ ବୋଲି ବିବେଚନା କରାଯାଏ । ଏଥି ସହିତ, ଯଦି ବିଲେଇ ଡାହାଣ ପାର୍ଶ୍ୱରୁ ବାମକୁ ଯାଏ, ତେବେ ଏହାକୁ ଅଶୁଭ ବୋଲି କୁହାଯାଇ ନଥାଏ ।

– ପ୍ରାୟତଃ ବିଲେଇମାନେ ଘରେ ପଶି କ୍ଷୀର ପିଇଥାନ୍ତି । ଏହା ଏକ ସାଧାରଣ କଥା । ବାସ୍ତୁ ଶାସ୍ତ୍ର ଅନୁଯାୟୀ, ଯଦି ବିଲେଇ ଘରେ ରଖାଯାଇଥିବା କ୍ଷୀରକୁ ଅଇଁଠା କରିଥାଏ କିମ୍ବା ପିଇଥାଏ, ତେବେ ଏହା ଦ୍ୱାରା ଆର୍ôଥକ କ୍ଷତି ହୋଇଥାଏ । ଏହି କାରଣରୁ ଘରେ ଟଙ୍କା ସହ ଜଡିତ ଏକ ସମସ୍ୟା ରହିଥାଏ ।

– ଏହା ବ୍ୟତୀତ ବିଲେଇମାନେ ପ୍ରାୟତଃ ଘରେ କିମ୍ବା ଘରର ଛାତରେ ମଳ ତ୍ୟାଗ କରନ୍ତି । ବାସ୍ତୁ ଅନୁଯାୟୀ, ଯଦି ବିଲେଇ ଘରେ ମଳତ୍ୟାଗ କରନ୍ତି, ତେବେ ଏହା ଏକ ଅଶୁଭ ସଙ୍କେତ । ଏହା ଫଳରେ ଆପଣଙ୍କ ଘରେ ସଙ୍କଟ ଆସିପାରେ । ଘରର ଲୋକମାନେ ଅସୁସ୍ଥ ହୋଇପାରନ୍ତି ।

– ବାସ୍ତୁଙ୍କ ଅନୁଯାୟୀ, ଦୀପାବଳି ଦିନ ଘରେ ବିଲେଇଙ୍କ ଆଗମନ ଏକ ଶୁଭ ସଙ୍କେତ ବୋଲି ବିବେଚନା କରାଯାଏ । ବାସ୍ତୁ ଅନୁଯାୟୀ, ଯଦି ଏହି ଦିନ ବିଲେଇ ଆପଣଙ୍କ ଘରକୁ ଆସେ, ତେବେ ମାତା ଲକ୍ଷ୍ମୀ ଆପଣଙ୍କ ଘରକୁ ଆସିଛନ୍ତି ବୋଲି ବିଶ୍ୱାସ କରାଯାଏ । ଏହି କାରଣରୁ ବର୍ଷସାରା ଆପଣଙ୍କ ଘରେ ଟଙ୍କା ବର୍ଷା ହୁଏ ଓ ଆର୍ଥିକ ସ୍ଥିତିରେ ସୁଧାର ଆସିଥାଏ ।

– ଏହା ବ୍ୟତୀତ ଯଦି ବିଲେଇ ଆପଣଙ୍କ ଘରେ ପିଲା ଜନ୍ମ ଦିଏ, ତେବେ ଏହା ମଧ୍ୟ ଶୁଭ ବୋଲି ବିବେଚନା କରାଯାଏ । ଏହା ଆପଣଙ୍କ ଘରେ ସୁଖ ଏବଂ ଶାନ୍ତି ଆଣିଥାଏ ।