ରାଜଧାନୀରେ ଚିନ୍ତା ବଢ଼ାଉଛି ମଶା । ଖାଲି ରାତି ନୁହଁ ଦିନରେ ମଧ୍ୟ ମଶା କାମୁଡ଼ିକି ଲୋକଙ୍କୁ ଫୁଲାଇ ଦେଉଛି । ମଶାଙ୍କ ବଂଶ ନିପାତ କରିବାକୁ ବିଏମସିର ନୂଆ ପଦକ୍ଷେପ । ଭୁବନେଶ୍ବରର ନୀଳାଦ୍ରି ବିହାରରେ ଆରମ୍ଭ ହେଲା ଡ୍ରୋନ ମାଧ୍ୟମରେ କୀଟନାଶକ ସିଞ୍ଚନ। ଏହି ଡ୍ରୋନରେ ଥରକରେ ଦଶ ଲିଟର ଲିକୁଇଡ ରହିପାରିବ । ସ୍ପ୍ରେ ମାଧ୍ୟମରେ ଉପରୁ ତଳକୁ ସିଞ୍ଚନ କରାଯାଏ।
ସ୍ପ୍ରେ କୁ କମାଇ ହେବ ବଢାଇ ହେବ ମଧ୍ଯ । ଏହି ଡ୍ରୋନ ସ୍ପ୍ରେର ଶୁଭାରମ୍ଭ ବେଳେ ବିଏମ୍ସି କମିଶନର ଉପସ୍ଥିତ ଥିଲେ । ଏହି କିଟ୍ ନାଶକ ସିଞ୍ଚନ ପରେ ମଶାର ସ୍ଥିତି କିପରି ରହୁଛି ଏହି ଅଞ୍ଚଳର ଲୋକଙ୍କ ମତ ନିଆଯିବ। ତା ପରେ ଆଉ ଅଧିକ ଡ୍ରୋନର ବ୍ୟବସ୍ଥା କରାଯିବ ବୋଲି ବିଏସି କମିଶନର କହିଛନ୍ତି ।