ଓଡ଼ିଶା ଫାଷ୍ଟ(ବ୍ୟୁରୋ): ଖୋର୍ଦ୍ଧା ବନଖଣ୍ତ ଟାଙ୍ଗୀ ରେଞ୍ଜ ଅନ୍ତର୍ଗତ ମଲାଗୁଣୀ ନଦୀ ନିକଟ ବାଁବିଲି ମୌଜାରେ ବିଲ ମଧ୍ୟରେ ବୁଧବାର ଏକ ମାଈ ହାତୀଟି ଯନ୍ତ୍ରଣାରେ ଛଟପଟ ହେଉଥିବା ଦେଖିବାକୁ ମିିଳିଛି। ଉକ୍ତ ହାତୀଟି କୀଟନାଶକ ଯୁକ୍ତ ଫସଲ ଖାଇ ଦେବାରୁ ବିଷ ଜ୍ୱାଳାରେ ଛଟପଟ ହେଉଥିବା ଅନୁମାନ କରାଯାଇଛି।
ପ୍ରାଣୀ ଚିକିତ୍ସକ ବିଭାଗ ଘଟଣାସ୍ଥଳରେ ପହଞ୍ଚିବା ପୂର୍ବରୁ ବନରଖିମାନେ ପହଞ୍ଚି ହାତୀ ମୁହଁରେ ପାଣି ମାଡ଼ କରୁଥିବା ଦେଖିବାକୁ ମିଳିଛି। ହାତୀ ପାଖରେ ଅନ୍ୟ ଏକ ଦନ୍ତା ହାତୀ ଜଗି ରହିଛି। ଶହ ଶହ ଲୋକେ ସେହି ସ୍ଥାନରେ ଏକଜୁଟ ହୋଇଛନ୍ତି। ଏହାସହ ଟାଙ୍ଗୀ ଓ ନିରାକାରପୁର ପ୍ରାଣୀ ଚିକିତ୍ସକମାନେ ପହଞ୍ଚି ଚିକିତ୍ସା ଆରମ୍ଭ କରିଛନ୍ତି।
ସୂଚନାଯୋଗ୍ୟ, ବାଁବିଲି ମୌଜାରେ ବହୁତ ଚାଷୀ ରବି ଫସଲ କରିଛନ୍ତି। ମାତ୍ର ଏଯାବତ କେଉଁ କାରଣରୁ ହାତୀଟି ଏପରି ଛଟପଟ ହେଉଛି ସେନେଇ କୌଣସି ସ୍ପଷ୍ଟ ସୂଚନା ମିଳିପାରି ନାହିଁ।