ଭୁବନେଶ୍ୱର, ଓଡ଼ିଶା ଫାଷ୍ଟ(ବ୍ୟୁରୋ): ତ୍ରିସ୍ତରୀୟ ପଞ୍ଚାୟତ ନିର୍ବାଚନ ଆରମ୍ଭ ହେବା ପୂର୍ବରୁ ମତଦାତାଙ୍କୁ ସତର୍କ କରାଇଛି ରାଜ୍ୟ ନିର୍ବାଚନ କମିଶନ । ଫେକ ଭୋଟ ଦେଲେ ଯିବେ ଜେଲ । ଫେକ ଭୋଟର ଚ୍ୟାଲେଞ୍ଜ ଭୋଟ ଏବଂ ଟ୍ରେଣ୍ଡଣ୍ଡ ଭୋଟ ଭାବରେ ନିଜର ଭୋଟ ଦେଇଥାନ୍ତି । ତେଣୁ ଏହାକୁ ନେଇ ସତର୍କ ସୂଚନା ଜାରି କରିଛନ୍ତି ନିର୍ବାଚନ କମିଶନ ।
ସୂଚନା ଅନୁଯାୟୀ, ଯଦି ପ୍ରାର୍ଥୀ ମାନଙ୍କ ଏଜେଣ୍ଡ କୌଣସି ଭୋଟରର ପରିଚୟ ଉପରେ ଆପତ୍ତି କରନ୍ତି ତେବେ ଏଜେଣ୍ଡ ମାନେ ୨ ଟଙ୍କା ଦେଇ ତାଙ୍କର ପରିଚୟକୁ ଚ୍ୟାଲେଞ୍ଜ କରି ପାରିବେ । ପ୍ରିଜାଇଡ଼ିଙ୍ଗି ଅଫିସର ମାନେ ସ୍ପଟ ଉପରେ ତାହାର ଯାଞ୍ଚ କରିବେ । ଯଦି ଅଭିଯୋଗ ମିଥ୍ୟା ପ୍ରମାଣିତ ହୁଏ ତେବେ ସେ ଭୋଟ ଦେଇ ପାରିବେ । ଯଦି ଅଭିଯୋଗ ଟି ସତ୍ୟ ପ୍ରମାଣିତ ହୁଏ ତେବେ ସେହି ଲୋକଙ୍କୁ ପୋଲିସର ଜିମା ଦିଆଯିବ ବା ସେ ବନ୍ଧା ହେବ । ଏହାକୁ ଚାଲେଞ୍ଜ ଭୋଟ କୁହାଯାଏ ।
ସେହିପରି ଯଦି ଜଣଙ୍କ ସ୍ଥାନରେ ଅନ୍ୟ ଜଣେ ଭୋଟ ଦେଇ ଦେଇଥିବେ ସେହି କ୍ଷତ୍ରରେ ସେହି ଭୋଟରଙ୍କୁ ଟେଣ୍ଡଣ୍ଡ ଭୋଟ ପାଇଁ ଅନୁମତି ଦିଆଯିବ ମାତ୍ର ସେ ଭୋଟ ଦେଇଥିବା ବାଲାଟ ପେପରକୁ ଅଲଗା ରଖାଯିବ । ଏବଂ ତାଙ୍କ ଭୋଟଟିକୁ କାଉଣ୍ଡ କରାଯିବ ନାହିଁ । ଯଦି ପ୍ରାର୍ଥୀଙ୍କ ମଧ୍ୟରେ ଟାଇ ଅବସ୍ଥା ଆସେ ତେବେ ଏହି ଭୋଟ ଗଣନା କରାଯିବ । ଏହାକୁ ଟେଣ୍ଡଣ୍ଡ ଭୋଟ କୁହାଯାଏ ।