ଓଡ଼ିଶା ଫାଷ୍ଟ(ବ୍ୟୁରୋ): କୁରାଢ଼ିରେ ସ୍ତ୍ରୀକୁ ହତ୍ୟା କରିବା ପରେ ରକ୍ତ ଭିଜା କୁରାଢ଼ି ସହ ଥାନାରେ ଆତ୍ମସମର୍ପଣ କରିଛି ସ୍ବାମୀ । ଅଭାବନୀୟ ଘଟଣା ଦେଖିବାକୁ ମିଳିଛି କେନ୍ଦ୍ରାପଡା ଜିଲ୍ଲା ପାଟକୁରା ଥାନା ଅରଖକୁଦ ଗ୍ରାମରେ ।
ସୂଚନା ଅନୁଯାୟୀ, ଶନିବାର ବିଳମ୍ବିତ ରାତିରେ ଅରଖକୁଦ ଗ୍ରାମର ସ୍ବାମୀ ଚନ୍ଦନ କୁମାର ଜେନାଙ୍କ ସହ ସ୍ତ୍ରୀ କନକଲତାଙ୍କର ଝଗଡା ହୋଇଥିଲା । ଫଳରେ ସ୍ବାମୀ ଚନ୍ଦନ ଉତ୍ୟକ୍ତ ହୋଇ ସ୍ତ୍ରୀକୁ କୁରାଢିରେ ହାଣିଦେଇଥିଲେ । ଘଟଣାସ୍ଥଳରେ କନକଲତାଙ୍କର ମୃତ୍ୟୁ ହୋଇଥିଲା । ଏହାପରେ ଚନ୍ଦନ ଘର କବାଟ ବନ୍ଦ କରି ଥାନାରେ ଯାଇ ଆତ୍ମସର୍ପଣ କରିଥିଲା । କନକଲତାଙ୍କ ଭାଈ ଏନେଇ ଥାନାରେ ଅଭିଯୋଗ କରିଛନ୍ତି । ପୋଲିସ୍ ଘଟଣାସ୍ଥଳରେ ପହଞ୍ଚି ଶବ ଜବତ କରିବା ସହ ବ୍ୟବଚ୍ଛେଦ ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇଛି । ତେବେ ପୋଲିସ ଓ ସାଇଣ୍ଟିଫିକ ଟିମ୍ ଘଟଣାସ୍ଥଳରେ ପହଞ୍ଚି ପ୍ରାଥମିକ ତଦନ୍ତ କରି ଫେରିଛନ୍ତି । ସୂଚନାଯୋଗ୍ୟ, ପାଞ୍ଚବର୍ଷ ତଳେ ଚନ୍ଦନ ମହଙ୍ଗା ଥାନା କୁମୁଡ଼ା ଜୟପୁର ଗାଁର ବବିତାଙ୍କୁ ଭଲ ପାଇ ବିବାହ କରିଥିଲେ ।