ଢେଙ୍କାନାଳ ଜିଲା ହିନ୍ଦୋଳ ବିଜ୍ଞାପିତ ଅଞ୍ଚଳ ପରିଷଦ(ଏନଏସି) ନିର୍ବାଚନରେ ଶାସକ ବିଜୁ ଜନତା ଦଳ ବାଜିମାତ କରିଛନ୍ତି ।
ବିଜେଡିର ନଗରପାଳ ପ୍ରାର୍ଥୀ କେଶବ ପ୍ରଧାନ ତାଙ୍କ ନିକଟତମ ପ୍ରତିଦ୍ୱନ୍ଦି ବିଜେପି ପ୍ରାର୍ଥୀନୀ ଶୋଭାଗୀନି ପ୍ରଧାନଙ୍କୁ ୪୨୪ ଖଣ୍ଡ ଭୋଟ ବ୍ୟବଧାନରେ ପରାସ୍ତ କରିଛନ୍ତି ।
ବିଜେଡି ପ୍ରାଥୀ କେଶବ ପ୍ରଧାନ ୪୩୪୭ ଖଣ୍ଡ ଭୋଟ ପାଇଥିବା ବେଳେ ବିଜେପି ପ୍ରାର୍ଥୀନୀ ଶୋଭାଗୀନି ପ୍ରଧାନ ୩୯୨୩ ଖଣ୍ଡ ଭୋଟ ପାଇଛନ୍ତି । କଂଗ୍ରେସ ପ୍ରାର୍ଥୀନୀ ରିତା ପଲେଇ ମାତ୍ର ୨୧୯ ଖଣ୍ଡ ଭୋଟ ପାଇଛନ୍ତି । ନୋଟାରେ ୧୫୧ ଖଣ୍ଡ ଭୋଟ ପଡିଛି ।
ଢେଙ୍କାନାଳ ଜିଲା ହିନ୍ଦୋଳ ବିଜ୍ଞାପିତ ଅଞ୍ଚଳ ପରିଷଦର ୧୬ ଗୋଟି ୱାର୍ଡ ଏବଂ ନଗରପାଳ ପଦବୀ ପାଇଁ ଗତ ୩ ତାରିଖରେ ଭୋଟ ଗ୍ରହଣ ହୋଇଥିଲା । ୧୧ ଟି ୱାର୍ଡ ରେ ବିଜେଡି ଏବଂ ୫ ଟି ୱାର୍ଡରେ ବିଜେପିର ପାରିଷଦ ପ୍ରାର୍ଥୀ ବିଜୟୀ ହୋଇଥିବା ଜଣାପଡିଛି । ୫,୬, ୯,୧୨ଏବଂ ୧୩ ନମ୍ବର ୱାର୍ଡ ରେ ବିଜେପି ପ୍ରାର୍ଥୀ ଜିତି ଥିବା ବେଳେ ଅନ୍ୟ ସବୁ ୱାର୍ଡରେ ବିଜେଡି ବିଜୟ ଲାଭ କରିଛି।