ଭୁବନେଶ୍ୱର ରୂପଲି ଛକରେ ଯୁବତୀଙ୍କ ହାଇଡ୍ରାମା

ଓଡ଼ିଶା ଫାଷ୍ଟ(ବ୍ୟୁରୋ): ଭୁବନେଶ୍ୱର ରୂପଲି ଛକରେ ଗତକାଲି ରାତିରେ ଜଣେ ଯୁବତୀଙ୍କ ହାଇଡ୍ରାମା ଦେଖିବାକୁ ମିଳିଥିଲା । ପୋଲିସ ମଧ୍ୟ ଏହି ଡ୍ରାମାରୁ ବର୍ତ୍ତି ପାରିନଥିଲା । ଶେଷରେ ସହିଦନଗର ପୋଲିସ ଉକ୍ତ ଯୁବତୀଙ୍କୁ ଗିରଫ କରିଥିଲା ।

ସୂଚନା ଅନୁଯାୟୀ, ପଞ୍ଜାବ ଲୁଧିଆନା ଅଞ୍ଚଳର ଜଣେ ଯୁବତୀ ଭୁବନେଶ୍ୱର କଳ୍ପନା ଅଞ୍ଚଳର ଏକ ବାର ରେ ନୃତ୍ୟାଙ୍ଗନା ଭାବେ କାର୍ଯ୍ୟ କରୁଥିଲେ । ସେଠାରୁ ସେ ଏକ ଦାମୀ ମୋବାଇଲ ଚୋରି କରି ନେଇ ପଳାଇଥିଲେ । ପରେ ଲୋକ ମୋବାଇଲର ପିଛା କରି ଉକ୍ତ ଯୁବତୀଙ୍କୁ ଧରିଥିଲେ । ଧରା ପଡିବା ପରେ ଯୁବତୀ ନିଜ ଦୋଷ ଲୁଚାଇବାକୁ ଡ୍ରାମା କରିବା ଆରମ୍ଭ କରିଥିଲେ । ସେ ଲୋକଙ୍କୁ ଗାଳି ଗୁଳଜ କରିବା ଆରମ୍ଭ କରିଦେଇଥିଲେ । ଅଭିଯୋଗ ପାଇ ସହିଦନଗର ପୋଲିସ ସେଠାରେ ପହଞ୍ଚି ଯୁବତୀଙ୍କୁ ବୁଝାଇବାକୁ ଚେଷ୍ଟା କରିଥିଲା । ମାତ୍ର ଯୁବତୀ ଜଣକ ପୋଲିସ ଉପରକୁ ହାତ ଉଠାଇ ଥିଲା । ଫଳରେ ପୋଲିସ ବାଧ୍ୟ ହୋଇ ଯୁବତୀ ଜଣକୁ ଗିରଫ କରିଛି ।