ଓଡ଼ିଶା ଫାଷ୍ଟ(ବ୍ୟୁରୋ): ଭାରତରେ କାୟା ବିସ୍ତାର କରୁଛି କରୋନା। ଏହି ଭାଇରସକୁ ନେଇ ସାରା ରାଜ୍ୟରେ ଲକ୍-ଡାଉନ୍ ଘୋଷଣା କରାଯିବା ପରେ ଆଜି କିଛିଲୋକ ଏହାକୁ ବେଖାତିର କରୁଛନ୍ତି । ଲୋକେ ସହଯୋଗ କରୁନଥିବାରୁ ଘରୋଇ ଗାଡି ଚଳାଚଳ ପାଇଁ କଟକଣା ଲାଗୁ କରିଛି ପୋଲିସ। ଏନେଇ ପୋଲିସ କମିଶନର ସୁଧାଂଶୁ ଷଡଙ୍ଗୀ ଆଜି ସୂଚନା ଦେଇଛନ୍ତି ।
ସେ କହିଛନ୍ତି, ଯେଉଁମାନଙ୍କୁ ଯିବାକୁ ଅନୁମତି ଅଛି, ସେମାନେ ମଧ୍ୟ ପାସ୍ ଆଣିବେ । କାଲି ସନ୍ଧ୍ୟା ସୁଦ୍ଧା ଥାନାରୁ ପାସ୍ ଆଣନ୍ତୁ । କଟକଣା ନମାନିଲେ ଦୃଢ କାର୍ଯ୍ୟନୁଷ୍ଠାନ ନିଆଯିବ । ତେବେ ନିଜର ସୁରକ୍ଷା ସହ ସମାଜର ସୁରକ୍ଷା ପାଇଁ ଦାୟିତ୍ୱବାନ୍ ହୁଅନ୍ତୁ ବୋଲି ପୋଲିସ କମିଶନର ସୁଧାଂଶୁ ଷଡଙ୍ଗୀ କହିଛନ୍ତି ।