ଓଡ଼ିଶାଫାଷ୍ଟ (ବ୍ୟୁରୋ):ଗୋପାଳପୁରରେ ଟାଟା ଚା’ ପ୍ୟାକେଜିଂ ୟୁନିଟକୁ ଉଦଘାଟନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏଥିପାଇଁ ୧୦୦ କୋଟିର ପୁଞ୍ଜି ନିବେଶ କରାଯାଇଛି ।
ଏହା ଦେଶର ସର୍ବବୃହତ ପ୍ୟାକେଜିଂ ୟୁନିଟ୍ ହେବ । ଏଥିରେ ଗଞ୍ଜାମ ଜିଲ୍ଲାର ୯ଶହରୁ ଅଧିକ ଲୋକଙ୍କୁ ନିଯୁକ୍ତି ସୁଯୋଗ ମିଳିବ । ଆଗକୁ ଏହା ଦେଶର ସର୍ବବୃହତ ପ୍ୟାକେଜିଂ ୟୁନିଟ୍ ଭାବେ ନିର୍ମାଣ କରାଯିବ । ଚା’ ପ୍ୟାକେଜିଂ ୟୁନିଟ୍ରେ ଅତ୍ୟାଧୁନିକ ଜ୍ଞାନ କୌଶଳର ବ୍ୟବହାର କରାଯାଇଛି ।
ଏବେ ଏହାର ଉତ୍ପାଦନ କ୍ଷମତା ୧୫ ମିଲିୟନ୍ କେଜି ଥିବା ବେଳେ ଆଗକୁ ଏହାକୁ ୫୦ ମିଲିୟନ କେଜିକୁ ବଢାଯିବ । ଓଡ଼ିଶା, ଆନ୍ଧ୍ରପ୍ରଦେଶ, କର୍ଣ୍ଣାଟକ, ତାମିଲନାଡୁ, ତେଲେଙ୍ଗାନା ଓ କେନ୍ଦ୍ରୀୟ ଭାରତକୁ ସପ୍ଲାଏ କରାଯିବ। ଦକ୍ଷିଣ ଓ କେନ୍ଦ୍ର ଭାରତକୁ ସୃଷ୍ଟି ହେବ ସପ୍ଲାଏ ଚେନ୍ । ଶିଳ୍ପ ବିକେନ୍ଦ୍ରୀକରଣରେ ଅଧିକ ନିଯୁକ୍ତି ସୁଯୋଗ ସୃଷ୍ଟି ହେବ । ମୁଖ୍ୟମନ୍ତ୍ରୀ ଓଡ଼ିଶାରେ ଟାଟା ଗ୍ରୁପର ଭୂମିକାକୁ ପ୍ରଶଂସା କରିଥିଲେ । ଏପରିକି ରାଜ୍ୟର ଶିଳ୍ପ ବିକାଶ କ୍ଷେତ୍ରରେ ଏହାର ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି କହିଛନ୍ତି ।