ଓଡ଼ିଶା ଫାଷ୍ଟ(ବ୍ୟୁରୋ): ପାଡୁଆ ଅଞ୍ଚଳରୁ ଛତିଶଗଡକୁ ପ୍ରାୟ ୨ କ୍ୱିଣ୍ଟାଲ ଗଞ୍ଜେଇ ଚୋରା ଚାଲାଣ ବେଳେ ମାଡ଼ିବସିଲା ପୋଲିସ । ଗଞ୍ଜେଇର ଆନୁମାନିକ ମୂଲ୍ୟ ୨୦ ଲକ୍ଷ ଟଙ୍କାରୁ ଅଧିକ ବୋଲି ପୋଲିସ ସୂଚନା ଦେଇଛି । ପ୍ରକାଶଥାଉ କି, ରାଇସିଂ ଗାଁ ନିକଟରେ ଦ୍ରୁତ ଗତିରେ ଆସୁଥିବା ନମ୍ବର ବିହୀନ ପିକଅପ୍ ଭ୍ୟାନକୁ ଅଟକାଇ ଯାଞ୍ଚ କରିଥିଲା ପୋଲିସ । ସେଥିରୁ ୧୦ଟି ବସ୍ତାରୁ ପ୍ରାୟ ୨ କ୍ୱିଣ୍ଟାଲ ଗଞ୍ଜେଇ ଜବତ କରିବା ସହ ଭ୍ୟାନରେ ଥିବା ଦୁଇ ଗଞ୍ଜେଇ ମାଫିଆଙ୍କୁ ମଧ୍ୟ ପୋଲିସ କାବୁ କରିବାରେ ସଫଳ ହୋଇଛି। ଜବତ ଗଞ୍ଜେଇର ମୂଲ୍ୟ ପ୍ରାୟ ୨୦ ଲକ୍ଷ ଟଙ୍କା ହେବ ବୋଲି ପୋଲିସ କହିଛି । ଗିରଫ ମାଫିଆ ମାନେ ପଟାଙ୍ଗି ଥାନା ପଣ୍ଡେଇ ଗାଁର କଣ୍ଡାଦୁସୁରା ବାରିକ ଏବଂ ଗଙ୍ଗରାଜପୁର ସଦନ ଖିଲ ବୋଲି ଜଣା ପଡିଛି । କିନ୍ତୁ ନନ୍ଦପୁର ଏବଂ ପାଡୁଆ ପୋଲିସକୁ ବହୁବାର ଚକମା ଦେଇ ଚାଲିଯାଉଥିଲେ ।
