ଓଡ଼ିଶା ଫାଷ୍ଟ(ବ୍ୟୁରୋ): ରାୟଗଡ଼ା ଜିଲ୍ଲା ଗୁଣୁପୁର ବ୍ଲକ୍ ପୁଟାସିଂ ଥାନା ଅଞ୍ଚଳରେ ୧୦ କୋଟିରୁ ଉର୍ଦ୍ଧ୍ୱ ଟଙ୍କାର ଗଞ୍ଜେଇ ଜବତ କରାଯିବା ସହ ତିନି ଅଭିଯୁକ୍ତଙ୍କୁ ଗିରଫ କରାଯାଇଛି। ସୂଚନା ଅନୁସାରେ, ଗୁଣପୁର ବ୍ଲକ୍ ପୁଟାସିଂ ଥାନା ଅଧୀନରେ ଥିବା ଗିରିଜନ୍ ଗ୍ରାମରେ କୁଇଣ୍ଟାଲ୍ କୁଇଣ୍ଟାଲ୍ ଗଞ୍ଜେଇ ଥିବା ନେଇ ସ୍ଥାନୀୟ ପୁଲିସକୁ ଖବର ମିଳିଥିଲା। ଏହାପରେ ସ୍ଥାନୀୟ ପୁଲିସ ଓ ଅବକାରୀ ବିଭାଗ ତଦନ୍ତ କରିଥିଲେ। କଡ଼ା ସୁରକ୍ଷା ମଧ୍ୟରେ ପୁଟାସିଂ ପୁଲିସ ୍ୱଗିିରିଜନ୍ ଗ୍ରାମର କିଛି ଘରେ ମଧ୍ୟରେ ଚଢ଼ଉ କରିଥିଲେ। ଚଢ଼ଉବେଳେ ୧୦ କୋଟି ମୂଲ୍ୟର ଗଞ୍ଜେଇ ଜବତ କରାଯିବା ସହ
ସୁବାଷ ମାଝୀ, ଜୀବାନିୟା ମାଝୀ ଓ ମିଥାଇଲ୍ ମାଝୀଙ୍କୁ ଗିରଫ କରାଯାଇଥିଲା। ଦୁଇ ନାବାଳକଙ୍କୁ ଜୁଭେନାଇଲ କୋର୍ଟକୁ ପଠାଯାଇଥିବା ନେଇ ପୁଲିସ ସୂତ୍ରରୁ ପ୍ରକାଶ ।
