ଭୁବନେଶ୍ୱର : ଆସିକାର ପୂର୍ବତନ ବିଧାୟକ ସରୋଜ ପାଢ଼ୀ ଉଦ୍ଧାର । ସରୋଜ ପାଢ଼ୀଙ୍କୁ ଉଦ୍ଧାର କଲା କ୍ୟାପିଟାଲ ଥାନା ପୋଲିସ । ତାମିଲନାଡୁର ରାମେଶ୍ୱରମରେ ସରୋଜଙ୍କୁ ଠାବ କରିବା ପରେ ଆଜି ତାଙ୍କୁ ଭୁବନେଶ୍ୱର ଆଣିଛି କମିଶନରେଟ ପୋଲିସ ।
ଏନେଇ ସୂଚନା ଦେଇଛନ୍ତି ଡିସିପି ପ୍ରତୀକ ସିଂ ।
ସରୋଜ ତାମିଲନାଡୁକୁ ବୁଲି ଯାଇଥିବା ବେଳେ ସେଠାରେ ତାଙ୍କର ମୋବାଇଲ ହଜି ଯାଇଥିଲା । ଯାହାଫଳରେ ଘର ସହ ଯୋଗାଯୋଗ କରିପାରିନଥିଲେ ସରୋଜ । ଯେଉଁଥିପାଇଁ ଥାନାରେ ପୂର୍ବତନ ବିଧାୟକ ନିଖୋଜ ଥିବା ନେଇ ମେ’ ୧୩ରେ ଥାନାରେ ଏତଲା ଦେଇଥିଲେ ପୁଅ ।