ଫିଡ଼ବ୍ୟାକ ନିର୍ଣ୍ଣୟ କରିବ ପଦୋନ୍ନତି

ଓଡ଼ିଶା ଫାଷ୍ଟ(ବ୍ୟୁରୋ): ଫିଡ଼ବ୍ୟାକ ଭଲ ଥିଲେ ଏଥର ଆଗୁଆ ମିଳିବ ପଦୋନ୍ନତି । ଏପରି କିଛି ନିଷ୍ପତ୍ତି ଅଜି ଭୁବନେଶ୍ୱର ଲୋକସେବା ଭବନରେ ମୁଖ୍ୟମନ୍ତ୍ରୀ ନେଇଛନ୍ତି । ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ଆୟୋଜିତ ‘ମୋ ସରକାର କାର୍ଯ୍ୟକ୍ରମ’ ପ୍ରସ୍ତୁତି ବୈଠକରେ କନଫରେନ୍ସିଂ ଜରିଆରେ ୬୩୫ ଥାନାର ଆଇଆଇସିଙ୍କ ଓ ବରିଷ୍ଠ ପୋଲିସ ଅଧିକାରୀ ଏଥିରେ ଅଂଶଗ୍ରହଣ କରିଥିଲେ । ଏହି ବୈଠକରେ ଅଭିଯୋଗକାରୀଙ୍କ ସହ କିପରି ବ୍ୟବହାର କରାଯିବାର ଆବଶ୍ୟକତା ରହିଛି ସେ ସମ୍ୱନ୍ଧରେ ଅଲୋଚନା କରାଯାଇଥିଲା ।
ସୂଚନା ଅନୁଯାୟୀ, ଅକ୍ଟୋବର ଦୁଇ ତାରିଖରୁ ଆରମ୍ଭ ହେବ ‘ମୋ ସରକାର କାର୍ଯ୍ୟକ୍ରମ’। ପ୍ରଥମ ପର୍ଯ୍ୟାୟରେ ଥାନା ଓ ହସ୍ପିଟାଲରୁ ଲୋକଙ୍କ ଫିଡବ୍ୟାକ ସଂଗ୍ରହ କରିବେ ମୁଖ୍ୟମନ୍ତ୍ରୀ । ଏହି ଫିଡବ୍ୟାକ ଅନୁଯାୟୀ ଭଲ କାମ କରୁଥିବା ଅଧିକାରୀଙ୍କୁ ଆଗୁଆ ପଦୋନ୍ନତି ମିଳିବ ।