କଟକ (ଓଡ଼ିଶା ଫାଷ୍ଟ ବ୍ୟୁରୋ): କଟକ ଜିଲ୍ଲାପାଳ ଭବାନୀ ଶଙ୍କର ଚୟନୀଙ୍କ ନାଁରେ ଫେକ ହ୍ୱାଟ୍ସଆପ ଆକାଉଣ୍ଟ 7696918151 ମେବାଇଲ ନମ୍ବରରେ ଖୋଲି ଲୋକଙ୍କୁ ମେସେଜ ପଠାଇବା ମାମଲା। ଏଥିପାଇଁ ଜିଲ୍ଲାପାଳ ତଥା ଜିଲ୍ଲା ମାଜିଷ୍ଟ୍ରେଟ ଭବାନୀ ଶଙ୍କର ଚୟନୀ ସାଇବର ଥାନାରେ ଏତଲା ଦାୟର କରିଛନ୍ତି।
ତଦନ୍ତ ଆରମ୍ଭ କରିଛି କଟକ ସାଇବର ଥାନା ପୋଲିସ। କିନ୍ତୁ ଏହାପରେ ମଧ୍ୟ କିଛି ଲୋକଙ୍କୁ ଜିଲ୍ଲାପାଳଙ୍କ ନାଁରେ ମେସେଜ ପଠାଯାଉଥିବା ଜଣାପଡ଼ିଛି। ସେପଟେ ଫେକ ନମ୍ବରରୁ ଆସୁଥିବା ମେସେଜ ଗୁଡ଼ିକୁ ଅଣଦେଖା କରିବା ପାଇଁ ଲୋକଙ୍କୁ ଅପିଲ କରିଛନ୍ତି କଟକ ଜିଲ୍ଲାପାଳ। 7696918151 ମେବାଇଲ ନମ୍ବରରେ ଜିଲ୍ଲାପାଳଙ୍କ ନାଁରେ ଖୋଲାଯାଇଥିବା ହ୍ବାଟ୍ସଆପ ଆକାଉଣ୍ଟରୁ ଗତକାଲି ଅପରାହ୍ନରୁ ଆମାଜନ ଗିଫ୍ଟ କାର୍ଡ ଦେବା ପାଇଁ ନିବେଦନ କରାଯାଉଛି ।