ଉମରକୋଟରୁ ନକଲି ଶିକ୍ଷକ ଗିରଫ

0

ଉମରକୋଟ (ଓଡ଼ିଶା ଫାଷ୍ଟ ବ୍ୟୁରୋ): ନବରଙ୍ଗପୁର ଜିଲ୍ଲା ଉମରକୋଟ ବ୍ଲକରେ ଗିରଫ ହେଲେ ନକଲି ଶିକ୍ଷକ । ରବୀନ୍ଦ୍ର ସ୍ୱାଇଁ ନାମକ ଜଣେ ଶିକ୍ଷକ ନକଲି ବିଇଡ଼ି ସାର୍ଟିଫିକେଟ ଦେଇ ଦୀର୍ଘ ବର୍ଷ ହେବ ଚାକିରୀ କରୁଥିଲେ। ବର୍ତ୍ତମାନ ସାର୍ଟିଫିକେଟ ଯାଞ୍ଚ ପରେ ଶିକ୍ଷକଙ୍କ ବି ଇ ଡି ସାର୍ଟିଫିକେଟ ନକଲି ବୋଲି ଜଣା ପଡିଛି। ଉମରକୋଟ ପୋଲିସ ଶିକ୍ଷକଙ୍କୁ ଗିରଫ କରି କୋର୍ଟ ଚାଲାଣ କରିଛି।

ସୂଚନା ଅନୁଯାୟୀ ନବରଙ୍ଗପୁର ଜିଲା ଉମରକୋଟ ବ୍ଲକ ଅଧୀନ ରେ ଥିବା ଉମରଗାଁ ସରକାରୀ ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟ ରେ ବିଗତ ଚାରି ବର୍ଷ ହେବ ଶିକ୍ଷକ ଭାବେ କାର୍ୟ୍ୟରତ ଥିଲେ । ତେବେ ଚାକିରି ବୈଧକରଣ ପାଇଁ ରବୀନ୍ଦ୍ର ଙ୍କ ଶିକ୍ଷାଗତ ପ୍ରମାଣ ପତ୍ର ଜିଲ୍ଲା ପ୍ରଶାସନ ପକ୍ଷରୁ ଯାଞ୍ଚ କରାଯାଇଥିଲା। ତେବେ ରବିନ୍ଦ୍ରଙ୍କ ବିଏଡ ସାର୍ଟିଫିକେଟ ହରିୟାଣା ରାଜ୍ୟ ର ଏକ ବିଶ୍ଵ ବିଦ୍ୟାଳୟର ଥିବା ଜାଣିବା ପରେ ନବରଙ୍ଗପୁର ଜିଲ୍ଲାପାଳ ଉକ୍ତ ବିଶ୍ଵବିଦ୍ୟାଳୟକୁ ଏହାର ଯାଞ୍ଚ କରି ରିପୋର୍ଟ ଦେବା ପାଇଁ ପତ୍ର ଲେଖିଥିଲେ। ତେବେ ହରିୟାନା ବିଶ୍ୱ ବିଦ୍ୟାଳୟ କର୍ତ୍ତୃପକ୍ଷ ପକ୍ଷ ରୁ ଏହା ସଂପୂର୍ଣ୍ଣ ନକଲି ଏପରି କୌଣସି ବ୍ୟକ୍ତିଙ୍କୁ ବିଏଡ ସାର୍ଟିଫିକେଟ ଦିଆ ଯାଇନି ବୋଲି ପତ୍ର ମାଧ୍ୟମ ରେ ଜିଲ୍ଲାପାଳ ଙ୍କୁ ଜଣାଇଥିଲେ ।

ଏହା ପରେ ନବରଙ୍ଗପୁର ଜିଲ୍ଲାପାଳ ଉମରକୋଟ ବ୍ଲକ୍ ଶିକ୍ଷା ଅଧିକାରୀଙ୍କୁ ରବିନ୍ଦ୍ରଙ୍କ ବିରୁଦ୍ଧରେ ଉମରକୋଟ ଥାନାରେ ଏତଲା ଦେବା ପାଇଁ ନିର୍ଦ୍ଧେଶ ଦେଇଥିଲେ। ଉମରକୋଟ ବ୍ଲକ ଶିକ୍ଷା ଅଧିକାରି ବିକାଶ ଚନ୍ଦ୍ର ସରକାର ଉମରକୋଟ ଥାନା ରେ ଏତଲା ଦେଇଥିଲେ। ଏହି ଏତଲା କୁ ଆଧାର କରି ରବିନ୍ଦ୍ର କୁମାର ସ୍ୱାଇଁ ଙ୍କୁ ଉମରକୋଟ ଅତିରିକ୍ତ ଥାନା ପୋଲିସ ରବିନ୍ଦ୍ରକୁ ଗିରଫ କରି କୋର୍ଟ ଚାଲାଣ କରିଛି। ରବିନ୍ଦ୍ର ଙ୍କ ନିଜ ଘର ନୟାଗଡ଼ ଜିଲ୍ଲା ସରଣକୂଳ ଥାନା ଅନ୍ତର୍ଗତ କୁରୁଡଙ୍ଗା ଗ୍ରାମ ।

Leave a comment