ଓଡ଼ିଶା ଫାଷ୍ଟ(ବ୍ୟୁରୋ): ନିଜ ଅଞ୍ଚଳବାସୀଙ୍କୁ ଚୂନ ଲଗାଇଛି ରମେଶ । ସାବତ ଭାଇ ସନ୍ତୋଷ ସ୍ୱାଇଁଙ୍କ ସହ ମିଶି କୁକୁଡା ଫାର୍ମ କରିଥିଲେ । କୁକୁଡା ଦାନା ବେପାରୀଙ୍କୁ ଠକିଥିବା ଅଭିଯୋଗ । ଏନେଇ ପାଟକୁରା ଥାନାରେ ଅଭିଯୋଗ କରିଛନ୍ତି କୁକୁଡା ଦାନା ବେପାରୀ ।
ଅଭିଯୋଗ ଅନୁଯାୟୀ, ରାକେଶ ବେହେରା ନାମକ ଜଣେ ବେପାରୀଙ୍କ ଠାରୁ ୧୩ ମାସ ତଳେ ରମେଶ ସ୍ୱାଇଁ ଓ ତାଙ୍କ ଭାଇ ସନ୍ତୋଷ ସ୍ୱାଇଁ ୩୮ ହଜାର ୫୦୦ ଟଙ୍କାର କୁକୁଡା ଦାନ ବାକିରେ ଆଣିଥିଲେ । ଏପର୍ଯ୍ୟନ୍ତ ଟଙ୍କା ଦେଇନାହାନ୍ତି । ପୂର୍ବରୁ ରମେଶ ଏକ ଚେକ୍ ପଠାଇଥିଲେ । ହେଲେ ତାହା ବ୍ୟାଙ୍କରେ ଅଚଳ ହୋଇଯାଇଥିଲା । ଏପରିକି ରାକେଶଙ୍କ ବ୍ୟାଙ୍କ ଆକାଉଣ୍ଟରୁ ୫୯୦ ଟଙ୍କା କଟିଯାଇଥିଲା । ଠକେଇର ଶିକାର ହେବା ପରେ ପାଟକୁରା ଥାନାରେ ଅଭିଯୋଗ କରିଛନ୍ତି ରାକେଶ।
