ଓଡିଶା ଫାଷ୍ଡ( ବ୍ୟୁରୋ): ମଣିଷ ଯେପରି ପଶୁ ପକ୍ଷୀଙ୍କ ବାସ ଉଜାଡୁଛନ୍ତି ପଶୁମାନେ ମଧ୍ୟ ସେହିପରି ମଣିଷ ଘର ଭାଙ୍ଗିବା ଆରମ୍ଭ କଲେଣି। ଦିନକୁ ଦିନ ଗାଁ ମୁହାଁ ହେଉଛନ୍ତି ହାତୀ। କେତେବେଳେ ଫସଲ ନଷ୍ଟ କରୁଛନ୍ତି ତଲ କେତେବେଳେ ଘରେ ପଶି ମଣିଷ ମାରୁଛନ୍ତି। ଏପରି ଏକ ଦୃଶ୍ୟ ଦେଖିବାକୁ ମିଳିଛି ଢେଙ୍କାନାଳ ଜିଲ୍ଲା ହିନ୍ଦୋଳରେ । ରାତିରେ ସ୍ୱାମୀ ସ୍ତ୍ରୀ ଶୋଇଥିବା ବେଳେ ଘରେ ପଶି ଆକ୍ରମଣ କଲା ହାତୀ। ହିନ୍ଦୋଳ ବାବନ୍ଧ ମାଟିଆ ସାହିରେ ସ୍ତ୍ରୀ ସଜନୀ ପ୍ରଧାନ ଓ ସ୍ଵାମୀ ଭରତ ପଧାନ ଘରେ ଶୋଇଥିବା ବେଳେ ଗତକାଲି ବିଳମ୍ବିତ ରାତ୍ରୀରେ ଏକ ଦନ୍ତା ପଶିଆସି ଆକ୍ରମଣ କରିଥିଲା। ଦନ୍ତା ଆକ୍ରମଣରେ ଉଭୟ ପତିପତ୍ନୀ ଗୁରୁତର ଭାବେ ଢେଙ୍କାନାଳ ମେଡ଼ିକାଲରେ ଭର୍ତ୍ତି ହୋଇଥିଲେ। ଚିକିତ୍ସା ବେଳେ ସ୍ତ୍ରୀ ସଜନୀ ପଧାନଙ୍କୁ ଡାକ୍ତର ମୃତ ଘୋଷଣା କରିଛନ୍ତି । ସେହି ସମୟରେ ଭରତଙ୍କ ସ୍ଵାସ୍ଥ୍ୟବସ୍ଥା ସଙ୍କଟାପନ୍ନ ହେବାରୁ ତାଙ୍କୁ କଟକ ବଡ଼ ମେଡ଼ିକାଲ ସ୍ଥାନାନ୍ତର କରାଯାଇଛି।
