ଓଡ଼ିଶା ଫାଷ୍ଟ(ବ୍ୟୁରୋ): ଡାକ୍ତରଙ୍କୁ ଭଗବାନଙ୍କ ସହ ତୁଳନା କରାଯାଏ । ମାତ୍ର ଜଣେ ଡାକ୍ତର ଏଥିରେ କଳଙ୍କ ଲଗାଇଛନ୍ତି । ନିଶାସକ୍ତ ଅବସ୍ଥାରେ ଜଣେ ବ୍ୟକ୍ତିଙ୍କ ଘରେ ପଶି କରିଛନ୍ତି ଉନ୍ମତ୍ତକାଣ୍ଡ । ଏଭଳି ଘଟଣା ଗତକାଲି ବଲାଙ୍ଗିର ସହରରେ ଘଟିଛି । ଅଭିଯୋଗ ଭିତ୍ତିରେ ପୋଲିସ ଉକ୍ତ ଡାକ୍ତରକୁ ଅଟକ ରଖିଛି । ଟାଉନ ଥାନା ପୋଲିସ ଅବିନାଶଙ୍କ ଗାଡ଼ିରୁ ଗୋଟିଏ ମଦ ବୋତଲ ଜବତ କରିଛି ।
ସୂଚନା ଅନୁଯାୟୀ, ବଲାଙ୍ଗିର ଜିଲ୍ଲା ମୁଖ୍ୟ ଚିକିତ୍ସାଳୟର କ୍ୟାନ୍ସର ବିଭାଗର ନୋଡାଲ ଅଫିସର ଅବିନାଶ ମିଶ୍ର ଗତକାଲି ରାତି ପ୍ରାୟ ୩ଟା ସମୟରେ ନିଶାରେ ଚୁର ହୋଇ ରେଲୱେ ଷ୍ଟେସନ ଅଞ୍ଚଳରେ ଜଣେ ବ୍ୟକ୍ତିଙ୍କ ଘରକୁ ପଶିଯିବା ସହ ଉତ୍ପାତ କରିଥିଲେ । ସମ୍ପୃକ୍ତ ବ୍ୟକ୍ତିଙ୍କ ଅଭିଯୋଗ କ୍ରମେ ପୋଲିସ ଘଟଣାସ୍ଥଳରେ ପହଞ୍ଚି ଡାକ୍ତରଙ୍କୁ କାବୁ କରିଥିଲେ । ପୋଲିସ ଡାକ୍ତରଙ୍କୁ ଥାନାରେ ଅଟକ ରଖି ପଚରାଉଚରା କରୁଛି ।