ଆର୍ଥିକ ପ୍ରତିବନ୍ଧକ ଅନେକ ଦୁଃଖର ମୂଳ କାରଣ, ତେଣୁ ପ୍ରତ୍ୟେକ ବ୍ୟକ୍ତି ପର୍ଯ୍ୟାପ୍ତ ଅର୍ଥ ରୋଜଗାର କରିବାକୁ ଚେଷ୍ଟା କରନ୍ତି। ଧନ ଦେବୀ ଲକ୍ଷ୍ମୀଙ୍କୁ ସନ୍ତୁଷ୍ଟ କରିବା ପାଇଁ ଲୋକମାନେ ଅନେକ କିଛି କରନ୍ତି। କିନ୍ତୁ ଅନେକ ଥର ବ୍ୟକ୍ତି ଜାଣିଶୁଣି କିମ୍ବା ଅଜାଣତରେ ଏପରି ଭୁଲ୍ କରନ୍ତି ଯାହା ମା’ ଲକ୍ଷ୍ମୀଙ୍କୁ କ୍ରୋଧିତ କରେ।
ବିଶେଷକରି ସକାଳେ କରାଯାଇଥିବା ଏପରି ଭୁଲ୍ ମା’ ଲକ୍ଷ୍ମୀଙ୍କୁ ବହୁତ କ୍ରୋଧିତ କରିଥାଏ ଏବଂ ଘରେ ଶୀଘ୍ର ଦାରିଦ୍ରତା ଆସିଥାଏ। ବାସ୍ତୁ ଶାସ୍ତ୍ରରେ କୁହାଯାଇଛି ଯେ ସକାଳେ କିଛି କାମ କରିବା ଠାରୁ ଦୂରେଇ ରହିବା ଉଚିତ୍। ଆସନ୍ତୁ ଜାଣିବା ସେହି କାର୍ଯ୍ୟଗୁଡ଼ିକ ବିଷୟରେ…
– ସକାଳେ ବିଳମ୍ବରେ ଉଠିବା ଉଚିତ୍ ନୁହେଁ। ଦୀର୍ଘ ସମୟ ଶୋଇବା ଦ୍ୱାରା ବ୍ୟକ୍ତି ଅନେକ ରୋଗର ଶିକାର ହୁଅନ୍ତି ଏବଂ ମା ଲକ୍ଷ୍ମୀଙ୍କୁ ମଧ୍ୟ କ୍ରୋଧିତ ହୋଇଥାନ୍ତି। ଯାହାଦ୍ୱାରା ଆପଣଙ୍କର ଆର୍ଥିକ ସଂକଟ ଦେଖା ଦେଇଥାଏ।
– ସକାଳୁ ଉଠିବା ମାତ୍ରେ ଅଇଁଠା ବାସନ ଦେଖିବା ଉଚିତ୍ ନୁହେଁ। ଅଇଁଠା ବାସନ ଦେଖିବା ଦୁର୍ଭାଗ୍ୟକୁ ଆମନ୍ତ୍ରଣ କରିଥାଏ। ଏହିପରି ଲୋକମାନେ ଯେତେ ପରିଶ୍ରମ କଲେ ମଧ୍ୟ ସେମାନଙ୍କୁ ବାଧାବିଘ୍ନର ସାମ୍ନା କରିବାକୁ ପଡିଥାଏ। ସେଥିପାଇଁ ବାସ୍ତୁ ଶାସ୍ତ୍ରରେ କୁହାଯାଇଛି ଯେ ରାତିରେ ବାସନ ଏବଂ ରୋଷେଇ ଘର ସଫା କରିବା ପରେ ଶୋଇବା ଉଚିତ୍।
– ସକାଳୁ ଉଠିବା ମାତ୍ରେ କାହାକୁ ଦୁର୍ବ୍ୟବହାର କରନ୍ତୁ ନାହିଁ। ଏହା କରିବା ଦ୍ୱାରା ଦିନସାରା ଆପଣଙ୍କ ଭିତରେ ନକାରାତ୍ମକ ଭରି ରହିବ। ଯେଉଁଥିପାଇଁ ଆପଣ କୌଣସି କାମରେ ସଫଳତା ପାଇବେ ନାହିଁ। ତେଣୁ ସକାଳୁ ଉଠିବା ମାତ୍ରେ, ସର୍ବପ୍ରଥମେ ଈଶ୍ୱରଙ୍କ ନାମ ନିଅନ୍ତୁ ଏବଂ ସର୍ବଦା ଆପଣଙ୍କ ସାଥିରେ ରହିବାକୁ ପ୍ରାର୍ଥନା କରନ୍ତୁ।