ଓଡ଼ିଶା ଫାଷ୍ଟ (ବ୍ୟୁରୋ): ଶୁକ୍ରବାର ଦ୍ବିତୀୟ ପର୍ଯ୍ୟାୟ ମତଦାନ। ଏହା ପୂର୍ବରୁ ଢେଙ୍କାନାଳ ସଦର ଥାନା ଅନ୍ତର୍ଗତ କୁମାର ଦେଇପୁର ଗ୍ରାମର ଜଣେ ଯୁବକ ନିଖୋଜ ହୋଇଯାଇଛନ୍ତି । ଉକ୍ତ ଯୁବକ ହେଉଛନ୍ତି ଦୀପକ ଦାଶ ।
ସୂଚନାଯୋଗ୍ୟ ଯେ, ବୁଧବାର ସନ୍ଧ୍ୟାରେ ସ୍କୁଟିରେ ଦୀପକ ଯାଇ ଆଉ ଫେରିନଥିଲେ । ପରିବାର ଲୋକେ ରାତିରେ ଖୋଜାଖୋଜି କରି ତାଙ୍କ ଗାଁଠାରୁ କିଛି ଦୂରରୁ ତାଙ୍କ ସ୍କୁଟି ପଡିଥିବା ଦେଖିଥିଲେ । ସ୍କୁଟିରେ ସାମାନ୍ୟ ରକ୍ତ ଛିଟା ଲାଗିଥିବା ପରିବାର ଦେଖି ତାଙ୍କୁ କେହି ଅପହରଣ କରିନେଇଥିବା ସନ୍ଦେହ କରିଛନ୍ତି । ତେବେ ଦୀପକଙ୍କ ପତ୍ନୀ ଭାରତୀ ରଥ ସାଙ୍କୁ ଲେଇ ଗ୍ରାମପଂଚାୟତରୁ ସମିତି ସଭ୍ୟା ପ୍ରାର୍ଥୀ ଭାବେ ନିର୍ବାଚନ ଲଢ଼ୁଛନ୍ତି । ତାଙ୍କ ପଂଚାୟତରେ ମୋଟ ୫ ଜଣ ସମିତି ସଭ୍ୟ ପ୍ରାର୍ଥୀ ନିର୍ବାଚନ ଲଢ଼ୁଥିବା ଜଣାପଡିଛି ।
ତେବେ ଶୁକ୍ରବାର ଭୋଟ୍ ଗ୍ରହଣ ଥିବାବେଳେ ତାଙ୍କ ସ୍ବାମୀ ନିଖୋଜ ଘଟଣାକୁ ନେଇ ଭାରତୀ ସଦର ଥାନାରେ ଅପହରଣ ସମ୍ପର୍କରେ ଏକ ଅଭିଯୋଗ କରିଛନ୍ତି ।