ଭଦ୍ରକ : ଜିଲ୍ଲାର ଧାମନଗର ଏନଏସିରେ ପୁନଃମତଦାନ ହେବାର ଗୋଟିଏ ଦିନ ପରେ ଆସନ୍ତାକାଲି ସକାଳ ୬ଟା ଯାଏ ୧୪୪ ଧାରା ଲାଗୁ କରିଛି ଜିଲ୍ଲା ପ୍ରଶାସନ । କଡ଼ା ସୁରକ୍ଷା ମଧ୍ୟରେ ଆଜି ସକାଳ ୮ ଟାରେ ଧାମନଗର ଏନଏସିର ୧୧ ୱାର୍ଡରେ ଭୋଟ୍ ଗଣନା ଆରମ୍ଭ ହୋଇଛି । ଗୋଟିଏ ସ୍ଥାନରେ ପାଞ୍ଚରୁ ଅଧିକ ଏକତ୍ରିତ ହେବା ଉପରେ କଟକଣା ଲାଗୁ ହୋଇଛି । ଭୋଟ୍ ଗଣତି କେନ୍ଦ୍ର ପାଖକୁ ୪ ଚକିଆ ଯାନ ଯାତାୟତ ଉପରେ ପ୍ରତିବନ୍ଧକ ଲଗାଯାଇଛି ।
ଏହି ଏନଏସିରେ ନିର୍ବାଚନରେ ୩୭ ଜଣ କାଉନସିଲର ଏବଂ ୪ ଜଣ ଚେୟାରମ୍ୟାନ୍ ନିର୍ବାଚନରେ ମଇଦାନରେ ଥିଲେ। ୨୦ ଟି ବୁଥର ଚାରୋଟି ଟେବୁଲରେ ଭୋଟ୍ ଗଣନା କରାଯାଉଛି ବୋଲି ସୂଚନା ମିଳିଛି। ଧାମନଗରରେ ୧୧ ଟି ପ୍ଲାଟୁନ୍ ପୋଲିସ୍ ଫୋର୍ସ ମୁତୟନ କରାଯାଇଛି।
ଧାମନଗର ଏନଏସିର ୩, ୮, ୯, ୧୬, ୧୭, ଏବଂ ୧୮ ନମ୍ବର ବୁଥରେ ପୁନର୍ବାର ମତଦାନ ହୋଇଥିଲା । ଉଲ୍ଲେଖଯୋଗ୍ୟ, ନମିର୍ବାଚନି ହିଂସା ପରେ ଧାମନଗର ଏନଏସି ଅଧୀନରେ ଥିବା କେତେକ ବୁଥରେ ଭୋଟ୍ ଦେବା ବନ୍ଦ ହୋଇଯାଇଥିଲା।