ଓଡ଼ିଶା ଫାଷ୍ଟ(ବ୍ୟୁରୋ): ଦିନିକିଆ ନୂଆପଡା ଗସ୍ତରେ ପୋଲିସ ମହା ନିର୍ଦ୍ଦେଶକ ସୁନିଲ ବଂଶଲ । ଦାୟିତ୍ବ ନେବା ପରେ ଡିଜିପି ପ୍ରଥମ କରି ନୂଆପଡା ଗସ୍ତରେ ଆସିଥିଲେ । ବିଭିନ୍ନ ପ୍ରସଙ୍ଗ ନେଇ ବରିଷ୍ଠ ଅଧିକାରୀଙ୍କ ସହ କଲେ ଆଲୋଚନା ।
ଖବର ଅନୁଯାୟୀ, ଆଜି ସ୍ବତନ୍ତ୍ର ହେଲିକେପ୍ଟର ଯୋଗେ ଆସି ସ୍ଥାନୀୟ ଗୋତମା ଏୟାରଷ୍ଟ୍ରିପରେ ଅବତରଣ କରିବା ସହ ଜିଲ୍ଲା ପୋଲିସ କାର୍ଯ୍ୟାଳୟରେ ପହଞ୍ଚିଥିଲେ । ଏସପି ଅଫିସରେ ଏସପି ପ୍ରତ୍ୟୁଷ ଦିବାକରଙ୍କ ସହ ଜିଲ୍ଲାର ସୁରକ୍ଷା ଦିଗରେ ଆଲୋଚନା କରିଥିଲେ । ବିଗତ ଦିନରେ ମାଓବାଦୀ-ଯବାନ ମଧ୍ୟରେ ଗୁଳି ବିନିମୟରେ ଯବାନଙ୍କ ବିଜୟକୁ ନେଇ ଜିଲ୍ଲା ପୋଲିସକୁ ଧନ୍ୟବାଦ ଦେଇଛନ୍ତି । ଏହାସହିତ ଆଗାମୀ ତ୍ରିସ୍ତରିୟ ପଞ୍ଚାୟତ ନିର୍ବାଚନକୁ କିଭଳି ସୁରକ୍ଷିତ ଭାବେ ସମାପନ କରାଯାଇ ପାରିବ, ସେନେଇ ଆଲୋଚନା କରିଛନ୍ତି ।
