ଓଡ଼ିଶା ଫାଷ୍ଟ(ବ୍ୟୁରୋ):ଉତ୍ତରପ୍ରଦେଶରେ ପ୍ରବଳ ବର୍ଷା ଓ କୁଆ ପଥର ମାଡରେ 33 ଜଣଙ୍କର ମୃତ୍ୟୁ ହୋଇଥିବା ବେଳେ ବହୁ ଫସଲ କ୍ଷତି ହୋଇଛି। ଶୁକ୍ରବାର ପ୍ରବଳ କୁଆପଥର ବର୍ଷା ସହ ଓ ବଜ୍ରପାତରେ ଗଛ ଓ ପାଚେରୀ ପଡ଼ିଯିବାରୁ 33 ଜଣଙ୍କ ମୃତ୍ୟୁ ହୋଇଥିବାବେଳେ କେବଳ ଅବଧ ଅଞ୍ଚଳରେ 13 ଜଣଙ୍କ ମୃତ୍ୟୁ ହୋଇଛି।
ଅବଧର ବହୁ ସ୍ଥାନରେ ବର୍ଷା ଓ ପ୍ରବଳ ବରଫାପାତ କାରଣରୁ 13 ଜଣଙ୍କ ମୃତ୍ୟୁ ହୋଇଥିବା ଜଣାପଡ଼ିଛି। ସୀତାପୁର ଜିଲାରେ କାନ୍ଥ ଭୁଶୁଡ଼ି ପଡ଼ିବାରୁ 8 ଜଣଙ୍କର ଓ ବାରାବଙ୍କୀରେ 2 ଜଣଙ୍କର ମୃତ୍ୟୁ ହୋଇଛି। ଏହାସହ ବଳରାମପୁର, ଅଯୋଧ୍ୟାରେ ମଧ୍ୟ ଜଣ ଲେଖାଏଁ ମୃତ୍ୟୁ ହୋଇଛି।
ବହରାଇଚରେ ଝଡ଼-ତୋଫାନ ବର୍ଷାରେ ସ୍କୁଲରୁ ଫେରୁଥିବା ପିଲାଙ୍କ ଉପରେ ବିଜୁଳି ଖୁଣ୍ଟ ପଡ଼ିଯିବାରୁ ଜଣେ ପିଲାର ମୃତ୍ୟୁ ହୋଇଥିବା ନେଇ ସୂଚନା ମିଳିଛି।
