ଓଡ଼ିଶା ଫାଷ୍ଟ(ବ୍ୟୁରୋ): ମଦ ପିଇବାକୁ ଆକଟ କରିବାକୁ ଭଉଣୀକୁ ପନିକିରେ ହାଣିଲା ଭାଇ । ଏଭଳି ଘଟଣା ଢେଙ୍କାନାଳ ଜିଲ୍ଲା ଭୁବନ ଓଡ଼ିଶା ପଞ୍ଚାୟତ ଅନ୍ତର୍ଗତ ବେଲପାଳ ଗ୍ରାମରେ । ମଦ ପିଇବାକୁ ଆକଟ କରିବାରୁ ଭାଇର ପନିକି ଚୋଟର ଶିକାର ହୋଇଛି ଭଉଣୀ ।
ବେଲପାଳ ଗ୍ରାମର ଇଶ୍ବର ମହାରଣା ନାମକ ଜଣେ ଯୁବକ ମଦ୍ୟପାନ କରି ଘରେ ପରିବାର ଲୋକଙ୍କ ସହ ଗଣ୍ଡଗୋଳ କରିଥିଲା ।
ଏହି ସମୟରେ ଭଉଣୀ ମଞ୍ଜୁ ମହାରଣା ଭାଇକୁ ନିରବ ରହିବା ପାଇଁ କହିବାରୁ ମଦ୍ୟପ ଇଶ୍ବର ଉତକ୍ଷିପ୍ତ ହୋଇପଡିଥିଲା । ଘରୁ ଏକ ପନିକି ଆଣି ଭଉଣୀର କାନ ମୁଣ୍ଡାକୁ ହାଣି ଫେରାର ହୋଇଯାଇଥିବା ଜଣାପଡିଛି । ଫଳରେ ମଞ୍ଜୁଙ୍କୁ ଗୁରୁତର ଅବସ୍ଥାରେ ଭୁବନ ମେଡିକାଲରେ ଭର୍ତ୍ତି କରିଛନ୍ତି ।