ଓଡ଼ିଶା ଫାଷ୍ଟ(ବ୍ୟୁରୋ):ପ୍ରଧାନମନ୍ତ୍ରୀଙ୍କ ସହ ଆଲୋଚନା ବେଳେ କରୋନା ସ୍ଥିତିକୁ ନେଇ ପ୍ରତିକ୍ରିୟା ରଖିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ରାଜ୍ୟରେ ସଂକ୍ରମଣ ବଢୁଥିବାରୁ ପ୍ରଶାସନିକ ସ୍ତରରେ ପୁଣି ଥରେ ଆଲର୍ଟ କରାଯାଇଛି । ଏଥିସହ ୨୦୨୧-୨୨ ବର୍ଷରେ କରୋନା ସ୍ଥିତି ମୁକାବିଲା ପାଇଁ ୩୦୦ କୋଟି ଟଙ୍କା ଦାବି କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ୨୦୨୦-୨୧ ପାଇଁ ରାଜ୍ୟ ସରକାର ୪୦୦ କୋଟି ଦାବି କରିଥିଲେ । ସେଥିରୁ ୧୪୬ କୋଟି ଟଙ୍କା ମିଳିଥିଲା । କିନ୍ତୁ କେନ୍ଦ୍ରକୁ ବାରମ୍ବାର ଅନୁରୋଧ ସତ୍ତ୍ୱେ ପର୍ଯ୍ୟାପ୍ତ ଭ୍ୟାକ୍ସିନ୍ ମିଳନୁାହିଁ । ରାଜ୍ୟରେ ଟିକାର ଅଭାବ ଦେଖା ଦେଇଥିବାରୁ ଟିକାକରଣରେ ବାଧା ସୃଷ୍ଟି ହୋଇଛି । ବର୍ତ୍ତମାନ ରାଜ୍ୟ ସରକାର ପ୍ରତ୍ୟେକ ଦିନ ଅଢେଇ ଲକ୍ଷ ଲୋକଙ୍କୁ ଟିକା ଦେଉଛନ୍ତି । ରାଜ୍ୟକୁ ୧୦ ଦିନର ଆଗୁଆ ଟିକା ଦେବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରଧାନମନ୍ତ୍ରୀଙ୍କ ନିକଟରେ ଦାବି କରିଛନ୍ତି ।
