ରହସ୍ୟମୟୀ ଅର୍ଚ୍ଚନା ନାଗଙ୍କ ମାମଲାକୁ ନେଇ ଜୋର ଧରିଲାଣି ରାଜନୀତି: ସେପଟେ ଏଭଳି ବଡ଼ ବୟାନ ଦେଇଛନ୍ତି କଂଗ୍ରେସ ବିଧାୟକ ସାଲୁଜା
ଫିଟୁଛି ରହସ୍ୟମୟୀ ଅର୍ଚ୍ଚନା ନାଗଙ୍କ ହନିଟ୍ରାପ୍ର ଗୁମର। ହେଲେ ଖୋଲୁନି ଏହି ରାଣୀମହୁମାଛିଙ୍କ ସହ ଥିବା ନେତା ଓ ମନ୍ତ୍ରୀଙ୍କ ଲିଙ୍କ୍। ପୁଲିସ ଏବାବଦରେ ପୂରା ଚୁପ୍। ଯାହାକୁ ନେଇ ପୁଲିସ ଉପରେ ସନ୍ଦେହ ବଢ଼ିଛି। ବିରୋଧୀ ଦଳ ପକ୍ଷରୁ ପୁଲିସର ତଦନ୍ତ ଉପରେ ଆଙ୍ଗୁଳି ଉଠିଛି। ଅର୍ଚ୍ଚନାଙ୍କ କଳା ସାମ୍ରାଜ୍ୟ ଓ ପୂରା ମାମଲାରେ ଗଣ୍ଡା ଗଣ୍ଡା ନେତାଙ୍କ ସଂପୃକ୍ତି ଅଭିଯୋଗକୁ ନେଇ ଆକ୍ସନ ମୋଡ୍କୁ ଆସିଛନ୍ତି ବିରୋଧୀ।
ଲେଡି ବ୍ଲାକ ମେଲର ଅର୍ଚ୍ଚନା ନାଗଙ୍କୁ ନେଇ କଂଗ୍ରେସ ବିଧାୟକ ସନ୍ତୋଷ ସିଂ ସାଲୁଜା ଏକ ବଡ଼ ବୟାନ ଦେଇଛନ୍ତି । ସେ କହିଛନ୍ତି ଯେ ଅର୍ଚ୍ଚନା ସତ ପଦାକୁ ଆସିଲେ ସରକାର ଭାଙ୍ଗିଯିବ । ଲାପଟପ ଓ ମୋବାଇଲର ସତ ଲୁଚାଇବାକୁ ସରକାର ଚେଷ୍ଟା କରୁଛନ୍ତି । ସଫା ପୋଷାକ ବିନ୍ଧି ବିଜେଡି ନେତାମାନେ ଘୃଣିତ କାର୍ଯ୍ୟ କରୁଛନ୍ତି । ଏହି ।ମାମଲାରେ ବିଜେଡି ବିଧାୟକ, ମନ୍ତ୍ରୀ ଓ ଅଫିସରଙ୍କ ସମ୍ପୃକ୍ତି ରହିଛି । ଅର୍ଚ୍ଚନାଙ୍କ ବେଆଇନ ସମ୍ପତ୍ତି ଜବତ ସହ ଲାପଟପ ଓ ମୋବାଇଲ ପଦାକୁ ଆସୁ । ଏହାର ଏସଆଇଟିସ୍ତରୀୟ ତଦନ୍ତ କରି ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେଉ ବୋଲି ସନ୍ତୋଷ ସିଂ ସାଲୁଜା ଦାବି କରିଛନ୍ତି ।