ଓଡ଼ିଶା ଫାଷ୍ଟ(ବ୍ୟୁରୋ): ଜମ୍ମୁ-କଶ୍ମୀରରେ ଆତଙ୍କବାଦୀ ଆକ୍ରମଣକୁ ନେଇ ସାରା ଦେଶ ଶୋକ ପାଳୁଥିବା ବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହାକୁ ଆବଶ୍ୟକ ଗୁରୁତ୍ଵ ଦେଉନାହାନ୍ତି । ଏହି ଦୁର୍ଘଟଣା ଘଟିବା ପରେ ଅପରାହ୍ନରୁ ସନ୍ଧ୍ୟା ପର୍ଯ୍ୟନ୍ତ ପ୍ରଧାନମନ୍ତ୍ରୀ ଜିମ କୋରବେଟ୍ ପାର୍କରେ ଫିଲ୍ମ ସୁଟିଂରେ ବ୍ୟସ୍ତ ଥିଲେ । ଏହାଛଡା ଭାଜପା ଏହି ଘଟଣାର ସମାଧାନ ବାଟ ବାହାର କରିବା ବଦଳରେ ଏହାକୁ ନେଇ ରାଜନୀତି କରୁଛି ବୋଲି ଅଭିଯୋଗ କରିଛି କଂଗ୍ରେସ । କଂଗ୍ରେସ ମୁଖପାତ୍ର ରଣଦୀପ ସୁରେଜଓ୍ବାଲା ଗୁରୁବାର ଏକ ପ୍ରେସମିଟରେ ଏହି ଅଭିଯୋଗ କହିଛନ୍ତି । ପୃଥିବୀରେ ମୋଦିଙ୍କ ଭଳି ପ୍ରଧାନମନ୍ତ୍ରୀ ନାହାନ୍ତି ବୋଲି ସେ କହିଛନ୍ତି ।
ସୂଚନାଯୋଗ୍ୟ, ପୁଲ୍ଓ୍ବାମା ଆତଙ୍କବାଦୀ ହାମଲାରେ ୪୯ ଯବାନ ପ୍ରାଣ ହରାଇଥିବା ବେଳେ ଏଥିରେ ପାକିସ୍ତାନର ଆତଙ୍କବାଦୀ ସଂଗଠନ ଜୈଶ୍-ଇ-ମହମ୍ମଦର ହାତ ରହିଥିଲା ।