ଓଡ଼ିଶା ଫାଷ୍ଟ(ବ୍ୟୁରୋ): ବାଲେଶ୍ୱର ଜିଲ୍ଲା ଜଳେଶ୍ବର ଅଞ୍ଚଳରେ ସିବିଆଇ ଟିମ ଚଢ଼ାଉ କରି ଗ୍ରୀନ ରେ ଚିଟ୍ ଫଣ୍ଡ ମାମଲାରେ ୨ ଜଣକୁ ଗିରଫ କରିଛି ।
ସିବିଆଇ ଯେଉଁ ବ୍ୟକ୍ତିଙ୍କୁ ଉଠାଇ ନେଇଛି ସେମାନେ ହେଲେ କାଲୁ ଓ ଜମିର । ସୂଚନା ଅନୁଯାୟୀ ୨୦୧୫ ମସିହାରେ ସିବିଆଇ ତରଫରୁ ‘ଗ୍ରୀନ ରେ’ ଚିଟ ଫଣ୍ଡ ମାମଲାରେ ତଦନ୍ତ ଆରମ୍ଭ କରିଥିଲା । ‘ଗ୍ରୀନ ରେ’ ମୁଖ୍ୟ ମିର ସଇରୁଦ୍ଦିନ ( ଗୋରା)କୁ ଗିରଫ କରାଯାଇଥିଲା । ଏହାକୁ ଆଧାର କରି ଗୁରୁବାର ଭୁବନେଶ୍ୱର ସିବିଆଇ ଟିମ୍ ଜଳେଶ୍ୱର ଅଞ୍ଚଳରେ ଚଢ଼ଉ କରିଥିଲା ।
ସିବିଆଇର ଡିଏସପି ଅଶୋକ କୁମାରଙ୍କ ନିର୍ଦେଶରେ ଏହି ଚଢଉ ହୋଇଥିଲା । ଏହାସହ ଜଳେଶ୍ୱର ବଡ଼ ବଜାର ଅଞ୍ଚଳରୁ ମିର ଜମିରୁଦ୍ଦିନ ( ଜମିର) ଓ ମୀର ସଇମତକୁ ଗିରଫ କରିଛି ଟିମ୍।