ଓଡ଼ିଶା ଫାଷ୍ଟ(ବ୍ୟୁରୋ): ଚୌଦ୍ୱାର ପୋଲିସ ଟାର୍ଗେଟରେ ଥିବା ଦୁର୍ଦ୍ଦାନ୍ତ ଅପରାଧୀ ମୁନା ଦେହୁରୀ ଏନକାଉଣ୍ଟର ର ଶିକାର ହୋଇଛି । ମୁନାର ବାମପଟ ଗୋଡ଼ରେ ଗୁଳି ବାଜିଛି । ଆହତ ଅବସ୍ଥାରେ ତାକୁ ଏସ୍ସିବିରେ ମେଡିକାଲରେ ଭର୍ତ୍ତି କରାଯାଇଛି ।
ଗୁରୁଡ଼ିଝାଟିଆ ଲୁଟ୍ ଘଟଣାରେ ସମ୍ପୃକ୍ତ ଥିବା ମୁନା ନିକଟରୁ ଚୌଦ୍ୱାର ପୋଲିସ ଏକ ବନ୍ଧୁକ ଓ ଗୁଳି ଜବତ କରିଛି । ସେହିପରି ଗତକାଲି ଟାଙ୍ଗୀ କପିଳାସ ରୋଡ଼ରେ ଚୌଦ୍ୱାର ପୋଲିସ ଦୁର୍ଦ୍ଦାନ୍ତ ଅପରାଧୀ ଜିତୁ ଓରଫ୍ ଅଜୟ ସାହୁକୁ ଏନକାଉଣ୍ଟର୍ କରିଥିଲା । ଜିତୁ ନାଁରେ ୧୦ରୁ ଉର୍ଦ୍ଧ ମାମଲା ରହିଛି ।
