ଜଗତସିଂହପୁର : ଜଗତସିଂହପୁର ଅବକାରୀ ବିଭାଗ ପକ୍ଷରୁ ପୃଥକ ପୃଥକ ଭାବେ ଦୁଇ ଗୋଟି ସ୍ଥାନରୁ ଲକ୍ଷାଧିକ ଟଙ୍କାର ବ୍ରାଉନ ସୁଗାର ଜବତ କରାଯାଇଛି । କିଛି ଦିନ ହେବ ଜିଲ୍ଲାରେ ଚୋରା ବ୍ରାଉନ ସୁଗାର ବେପାର ଅତ୍ୟଧିକ ମାତ୍ରାରେ ବଢ଼ିବାରେ ଲାଗିଛି । ଯାହାକୁ ନେଇ ପୋଲିସ ଓ ଅବକାରୀ ବିଭାଗ ପାଇଁ ଚିନ୍ତାର ବିଷୟ ପାଲଟିଛି ।
କିଛିଦିନ ତଳେ ଜଗତସିଂହପୁର ଅବକାରୀ ବିଭାଗ ଅଜାଣତରେ ଭୁବନେଶ୍ଵର STF ପକ୍ଷରୁ ଲକ୍ଷାଧିକ ଟଙ୍କାର ବ୍ରାଉନ ସୁଗାର ଜବତ କରାଯାଇଥିଲା । ପରେ ଅବକାରୀ ବିଭାଗ ପକ୍ଷରୁ ବିଭିନ୍ନ ଅଞ୍ଚଳରେ ଛାନଭିନ ଆରମ୍ଭ କରାଯାଇ ବ୍ରାଉନ ସୁଗାର ଜବତ କରାଯାଉଥିବା ସତ୍ତ୍ଵେ ପୁଣି ଜଗତସିଂହପୁରରେ ଏତେ ପରିମାଣର ବ୍ରାଉନ ସୁଗାର କେଉଁ ସ୍ଥାନରୁ ଆସୁଛି ତାହା ପୋଲିସ୍ ପାଇଁ ଚିନ୍ତାର କାରଣ ପାଲଟିଛି ।
ଆସନ୍ତାକାଲି ଜଗତସିଂପୁର ଅବକାରୀ ବିଭାଗ ପକ୍ଷରୁ ୧୫୨ ଗ୍ରାମ ବ୍ରାଉନ ସୁଗାର ଜବତ କରାଯିବା ସହ ଦୁଇ ଜଣ ଯୁବକ, ଦୁଇ ଗୋଟି ମଟର ସାଇକେଲ ଜବତ କରିଛି। ଏହି ବ୍ରାଉନ ସୁଗାରର ଆନୁମାନିକ ମୂଲ୍ୟ ୧୫ ଲକ୍ଷ୍ୟ ୨୦ ହଜାର ଟଙ୍କା ।