ଓଡ଼ିଶା ଫାଷ୍ଟ(ବ୍ୟୁରୋ): ଜଳେଶ୍ୱର ଥାନା ଉତ୍ତରପଡା ଖଳାବାଡ଼ିଆ ଅଂଚଳରୁ ପୋଲିସ ଜଣେ ଯୁବକକୁ ଗିରଫ କରିବା ସହିତ ଏକ ବନ୍ଧୁକ ଓ ୨ ରାଉଣ୍ଡ ଗୁଳି ଜବତ କରିଛି । ଗିରଫ ଯୁବକ ଜଣକ ଚନ୍ଦ୍ରକାନ୍ତ ପାଳ ବୋଲି ଜଣାପଡିଛି। ସେ ଆଗରୁ ଏକ ୩୦୭ ଦଫା କେଶରେ ଜଡିତ ଅଛି ।
ସୂଚନା ଅନୁଯାୟୀ ବାଲେଶ୍ୱର ଜିଲ୍ଲା ଜଳେଶ୍ୱର ଥାନା ଅଧିନସ୍ଥ ଏ ପଶ୍ଚିମବାଡ ଖଳାବାଡ଼ିଆ ଅଂଚଳର ନିତ୍ୟାନନ୍ଦ ପାଳ ଗତ ଜୁନ ମାସ ୧୮ ତାରିଖ ଦିନ ଜଳେଶ୍ୱର ରେଳଷ୍ଟେସନରୁ ଟ୍ରେନ ଟିକେଟ୍ କାଟି ଘରକୁ ଫେରୁଥିବା ସମୟରେ ତାଙ୍କ ବଡ଼ ବାପାଙ୍କ ପୁଅ ଚନ୍ଦ୍ରକାନ୍ତ ପାଳ କୌଣସି କାରଣରୁ ନିତ୍ୟାନନ୍ଦଙ୍କୁ ଏକ କାତିରେ ଆକ୍ରମଣ କରିଥିଲା । କାତିଟି ନିତ୍ୟାନନ୍ଦର ହାତରେ ବାଜି ଥିଲା ଏଥିରେ ନିତ୍ୟାନନ୍ଦ ଗୁରୁତର ଆହତ ହୋଇଥିଲେ । ଏ ନେଇ ନିତ୍ୟାନନ୍ଦଙ୍କର ସ୍ତ୍ରୀ ସୁମତି ପାଳ ଜଳେଶ୍ୱର ଥାନାରେ ଲିଖିତ ଅଭିଯୋଗ କରିଥିଲେ । ଅଭିଯୋଗ କ୍ରମେ ପୋଲିସ ୩୦୭ ରେ ଏକ ମାମଲା ରୁଜୁକରି ତଦନ୍ତ ଜାରି ରଖିଥିଲା । ବର୍ତ୍ତମାନ ପୋଲିସ କୌଣସି ସୂତ୍ରରୁ ଖବର ପାଇ ଉତ୍ତର ପଡା ଖଳାବାଡିଆ ଅଞ୍ଚଳରେ ଚଢ଼ାଉ କରି ଚନ୍ଦ୍ରକାନ୍ତଙ୍କୁ ଗିରଫ କରିବା ସହିତ ଏକ ପିସ୍ତଲ ,୨ଟି ଅଫୁଟା ଗୁଳି,ଏକ ଛୁରୀ ଓ ଲଙ୍କାଗୁଣ୍ଡ ପ୍ୟାକେଟ୍ ସହିତ ଏକ ସ୍କୁଟିକୁ ଜବତ କରିଛି । ତେବେ ଚନ୍ଦ୍ର କାନ୍ତଙ୍କୁ ପୋଲିସ ଥାନାକୁ ଆଣି ତଦନ୍ତ ଜାରି ରଖିଛି ।