ଭୁବନେଶ୍ୱର : ଆଜି ଭୁବନେଶ୍ୱର ମହାନଗର ନିଗମ ଡେପୁଟି ମେୟର ପାଇଁ ନିର୍ବାଚନ ହେବ । ଦିନ ୧୦ ଟାରୁ ଆରମ୍ଭ ହେବ ନିର୍ବାଚନ ପ୍ରକ୍ରିୟା । ତେବେ ଏହା ପୂର୍ବରୁ ସକାଳ ସାଢେ ୯ଟାରେ ବିଏମ୍ସି କାର୍ଯ୍ୟାଳୟରେ ମେୟର ଓ ୬୭ ଜଣ ନିର୍ବାଚିତ କର୍ପୋରେଟରଙ୍କ ଶପଥପାଠ ଆରମ୍ଭ ହୋଇଯାଇଛି ।
ଏହାପରେ ସକାଳ ୧୦ଟାରୁ ୧୧ଟା ଯାଏଁ ଡେପୁଟି ମେୟର ଲାଗି ନାମାଙ୍କନ ଦାଖଲ ହେବ । ୧୧ଟାରୁ ୧୨ଟା ଯାଏଁ ନାମାଙ୍କନ ପତ୍ର ଯାଞ୍ଚ ହେବ । ଦିନ ଗୋଟାଏ ସୁଧା ନାମାଙ୍କନ ପତ୍ର ପ୍ରତ୍ୟାହାର ହେବ । ଏକାଧିକ ପ୍ରାର୍ଥୀ ନାମାଙ୍କନ ଦାଖଲ କଲେ ଦିନ ସାଢେ ଗୋଟାଏରୁ ସାଢେ ୩ଟା ଯାଏ ମତଦାନ ହେବ । ତେବେ ଏବେ ସୁଦ୍ଧା ବିଜେଡି ଡେପୁଟି ମେୟର ପ୍ରାର୍ଥୀ ଘୋଷଣା କରିନଥିବାବେଳେ କିଏ ହେବ ବିଜେଡିର ପ୍ରାର୍ଥୀ ଏହାକୁ ନେଇ ଚର୍ଚ୍ଚା ଜୋର ଧରିଛି ।