ଓଡ଼ିଶା ଫାଷ୍ଟ(ବ୍ୟୁରୋ): ଆଜି ବ୍ଲକ୍ ଅଧ୍ୟକ୍ଷ ନିର୍ବାଚନ। ଏଥିପାଇଁ ସକାଳ ସାଢେ ୧୦ରୁ ସାଢେ ୧୧ ମଧ୍ୟରେ ପ୍ରାର୍ଥୀପତ୍ର ଦାଖଲ ହେବ । ସାଢେ ୧୧ରୁ ସାଢେ ୧୨ ଭିତରେ ପ୍ରାର୍ଥିପତ୍ର ପ୍ରତ୍ୟାହାର । ୧୨.୩୦ ପରେ ଭୋଟ୍ ହେବ। ଦଳୀୟ ଚିହ୍ନରେ ନିର୍ବାଚନ ହେଉ ନଥିଲେ ମଧ୍ୟ କେଉଁ ଦଳର ସମର୍ଥିତ ପ୍ରାର୍ଥୀ ଚେୟାରମ୍ୟାନ ପଦ ହାସଲ କରିବେ ତାହା ଉପରେ ସମସ୍ତଙ୍କ ନଜର। ବିଜେଡି ସମସ୍ତ ବ୍ଲକକୁ ଦଖଲ କରିବ ବୋଲି ଦୃଢୋକ୍ତି ପ୍ରକାଶ କରିଛି । ବିରୋଧୀ କିଛି ଜାଗାରେ ବ୍ଲକ ଦଖଲ କରିବାକୁ ନଜର ରଖିଛନ୍ତି ।
ସେହିପରି ଆସନ୍ତାକାଲି ଜିଲ୍ଲାପରିଷଦ ସଭାପତି ନିର୍ବାଚନ । ଚଳିତବର୍ଷ ଏଥିରେ ଦଳବଦଳ ନିରୋଧ ଆଇନ ଲାଗୁ ହେବ । ସବୁ ଜିଲ୍ଲାରେ ବିଜେଡିର ନିରଙ୍କୁଶ ସଂଖ୍ୟା ଗରିଷ୍ଠତା ଥିବାରୁ ୩୦ଟି ଯାକ ଜିଲ୍ଲାରେ ସଭାପତି ଓ ଉପସଭାପତି ପଦ ବିଜେଡି ଖାତାକୁ ଯିବ ।