ଓଡ଼ିଶା ଫାଷ୍ଟ(ବ୍ୟୁରୋ): ପଶ୍ଚିମବଙ୍ଗରେ ରାଜନୈତିକ ହିଂସା ତୀବ୍ର ହେବାରେ ଲାଗିଛି । ବିଜେପି ନେତା ଫିରୋଜ୍ କମଲ ଗାଜୀ ଓରଫ୍ ବାବୁଙ୍କ ଉପରେ ବୋମା ମାଡ଼ ହୋଇଛି । ଶନିବାର ସନ୍ଧ୍ୟାରେ ସେ ତାଙ୍କ ଗାଡିରେ ଯାଉଥିବା ବେଳେ ଟିଏମସି କର୍ମୀ ବୋମାମାଡ କରିଥିବା ଅଭିଯୋଗ ହୋଇଛି ।
ଏହି ଆକ୍ରମଣରେ ବିଜେପି ନେତା ଫିରୋଜ ଗୁରୁତର ହୋଇଛନ୍ତି । ତାଙ୍କୁ କୋଲକାତାର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି । ତାଙ୍କ ସ୍ୱାସ୍ଥ୍ୟାବସ୍ଥା ଏବେ ସ୍ଥିର ଅଛି । ଏହାମଧ୍ୟରେ ବିଜେପି ନେତା ଶୁଭେନ୍ଦୁ ଅଧିକାରୀ ଫିରୋଜଙ୍କୁ ହସ୍ପିଟାଲରେ ଭେଟିଛନ୍ତି।
ପ୍ରକାଶ ଯେ, ବସନ୍ତୀ ରାଜପଥରେ କେହି ଅଜଣା ଦୁର୍ବୃତ୍ତ ଫିରୋଜଙ୍କ କାର୍ ଉପରେ ବୋମାମାଡ କରିଥିଲେ । ଏଥିରେ ତାଙ୍କ କାର୍ କ୍ଷତିଗ୍ରସ୍ତ ହେବା ସହ ସେ ମଧ୍ୟ ଗୁରୁତର ହୋଇଥିଲେ । ସ୍ଥାନୀୟ ପୋଲିସ ଘଟଣାସ୍ଥଳରେ ପହଁଚି ତଦନ୍ତ ଆରମ୍ଭ କରିଛି । ଏହି ବୋମାମାଡ ପଛରେ ଟିଏମସି ନେତାଙ୍କ ହାତ ଥିବା ଅଭିଯୋଗ ହୋଇଛି ।