ଓଡ଼ିଶା ଫାଷ୍ଟ(ବ୍ୟୁରୋ): କେନ୍ଦ୍ର ସରକାର ଓଡ଼ିଶାର ଚାଷୀ କୁଳ ପ୍ରତି କରିଥିବା ଅନ୍ୟାୟ ଓ ପକ୍ଷପାତିତା ଏବଂ ରାଜ୍ୟର ଚାଷୀ ଅମଳ କରିଥିବା ଉଷୁନା ଚାଉଳକୁ ଏଫ ସି ଆଇ ଉଠାଉନଥିବା ପ୍ରତିବାଦରେ ଆଜି ବିଜୁ ଜନତା ଦଳ ତରଫରୁ ବାଣୀବିହାର ଏଫସି.ଆଇ ଅଫିସ ସମ୍ମୁଖରେ ଗଣଧାରଣା ଓ ବିକ୍ଷୋଭ ପ୍ରଦର୍ଶନ କରାଯାଇଥିଲା । କାର୍ଯ୍ୟକାରୀ ସଭାପତି ଶ୍ରୀଯୁକ୍ତ ବିରଞ୍ଚି ନାରାୟଣ ମହସୂପକାରଙ୍କର ନେତୃତ୍ବରେ ଆୟୋଜିତ ବିକ୍ଷୋଭ ସମାବେଶରେ ଭୁବନେଶ୍ବର ନିକଟବର୍ତୀ ପଂଚାୟତ ଏବଂ ଗ୍ରାମରୁ ଶହ ଶହ ଚାଷୀ ଯୋଗ ଦେଇ କେନ୍ଦ୍ର ସରକାରଙ୍କର ଏଭଳି ଚାଷୀ ମାରଣା ନୀତିକୁ ଘୋର ବିରୋଧ କରିଥିଲେ ଦିନେ ଭୋକର ଭୂଗୋଳ କୁହାଯାଉଥିବା ଓଡିଶା ଆଜି ମାନ୍ୟବର ମୁଖ୍ୟମନ୍ତ୍ରୀ ଶ୍ରୀଯୁକ୍ତ ନବୀନ ପଟ୍ଟନାୟକଙ୍କର ନେତୃତ୍ବରେ ସାରା ଭାରତ ବର୍ଷରେ ଧାନ ଚାଉଳ ସଂଗ୍ରହରେ ଏକ ବଳକା ରାଜ୍ୟ ଭାବରେ ପରିଗଣିତ ହେଉଛି ବୋଲି ମାନ୍ୟବର ମନ୍ତ୍ରୀ ଶ୍ରୀଯୁକ୍ତ ଅଶୋକ ଚନ୍ଦ୍ର ପଣ୍ଡା ନିଜର ଅଭିଭାଷଣ ରଖିଲେ ଆଜି ଓଡ଼ିଶା ଏହି ଆର୍ଥିକ ବର୍ଷରେ ୫୨ ଲକ୍ଷ ମେଟ୍ରିକ ଟନ ଚାଉଳ ସଂଗ୍ରହ କରିଥିବା ବେଳେ ନିଜ ରାଜ୍ୟ ପାଇଁ ୩୦ ଲକ୍ଷ ମେଟ୍ରିକ ଟନ ଟାଉଳ ରଖ୍ ବଳକା ଟାଉଳ ଉଠାଇବା ସଂଘୀୟ ବ୍ୟବସ୍ଥା ଭିତରେ ଅଛି କିନ୍ତୁ କେନ୍ଦ୍ର ସରକାରଙ୍କର ଏଫ ସି ଆଇ ସଂସ୍ଥା ଜାଣିଶୁଣି ଓଡ଼ିଶାର ବଳକା ଚାଉଳ ନ ଉଠାଇ ଚାଷୀମାନଙ୍କ ପ୍ରତି ଅବିଚାର କରୁଛି ବୋଲି ମାନ୍ୟବର ରାଜ୍ୟସଭା ସାଂସଦ ଶ୍ରୀଯୁକ୍ତ ମୁନ୍ନା ଖାଁ ନିଜର ମତବ୍ୟକ୍ତ ରଖୁଥିଲେ ।
ଓଡ଼ିଶାର ବିଜେପି ସାଂସଦ ମାନେ ଓଡ଼ିଶାର ଚାଷୀ ମାନଙ୍କର ସମସ୍ୟା ଠିକ ଭାବରେ କେନ୍ଦ୍ର ପାଖରେ ଉପସ୍ଥାପନା ନ କରିବା ଯୋଗୁ ଆଜି ଓଡ଼ିଶାର ଚାଷୀ ଘାର ଆର୍ଥିକ ଅନାଟନ ଦେଇ ଗତି କରୁଛି ବୋଲି ମାନ୍ୟବର ଖୋର୍ଦ୍ଧା ଜିଲ୍ଲା ସଭାପତି ଶ୍ରୀଯୁକ୍ତ ବିଭୁତି ବଳବନ୍ତରାୟ ନିଜର ମତ ରଖିଲେ । ଆଜିର ଏହି ବିକ୍ଷୋଭ ସମାବେଶରେ ମାନ୍ୟବର ବିଧାୟକ ଶ୍ରୀଯୁକ୍ତ ଅରବିନ୍ଦ ଢ଼ାଲି, ଓଡିଶା ମୋ ପରିବାରର ଅଧକ୍ଷ ଶ୍ରୀଯୁକ୍ତ ଅରୂପ ପଟ୍ଟନାୟକ, ବରିଷ୍ଠ ନେତା ଶ୍ରୀଯୁକ୍ତ ରବି ସାମଲ, ଶ୍ରୀଯୁକ୍ତ ସୁବାସ ଚନ୍ଦ୍ର ପାତ୍ର, ଶ୍ରୀମତୀ ସୁଲତା ଦେଓ, ଶ୍ରୀଯୁକ୍ତ କୁନାଲ ରାଉତ, ଯୁବ ସଭାପତି ସମରେଶ ବେଉରା, ମହିଳା ସଭାନେତ୍ରୀ ଶ୍ରୀମତୀ ବିଜୟଲକ୍ଷ୍ମୀ ମହାପାତ୍ର, ଇପ୍ସିତା ସାହୁ, ବରିଷ୍ଠ ଚାଷୀ ନୃସିଂହ ଖାଡଙ୍ଗା, ବସନ୍ତ ରଥ,ପ୍ରଦୀପ ଦାସ, କେ ଶାନ୍ତି, ହରେକୃଷ୍ଣ ସାହୁ, ହେମନ୍ତ ମହାରଣା, ସନ୍ତୋଷ ନାଥ, ଜ୍ୟୋତ୍ସ୍ନା ପରିଡାଙ୍କ ସହିତ ସମସ୍ତ ପଂଚାୟତରୁ ଆସିଥିବା ଚାଷୀ ଭାଇ ମାନେ, ପୂର୍ବତନ କର୍ପୋରେଟର ଭୁବନେଶ୍ବର ସାଙ୍ଗଠନିକ ଜିଲ୍ଲାର ସମସ୍ତ ପଦାଧିକାରୀ ଯୋଗ ଦେଇ ପ୍ରତିବାଦ ସଭାଟିକୁ ସଫଳ କରିଥିଲେ ଏବଂ ସଭା ଶେଷରେ ମାନ୍ୟବର ପ୍ରଧାନ ମନ୍ତ୍ରୀଙ୍କ ଉଦ୍ୟଶରେ ବିଜୁ ଜନତା ଦଳର ଏକ ପ୍ରତିନିଧି ମଣ୍ଡଳୀ ଏଫ ସି ଆଇର ଡେପୁଟି ଜେନେରାଲ ମ୍ୟାନେଜେରଙ୍କ ଜରିଆରେ ଏକ ଦାବିପତ୍ର ପ୍ରଦାନ କରିଥିଲେ ।