ଓଡ଼ିଶା ଫାଷ୍ଟ(ବ୍ୟୁରୋ): କୋଳରେ ମାସକର ଛୁଆଧରି ନିର୍ବାଚ ନ ମଇଦାନକୁ ଓହ୍ଲାଇଛନ୍ତି ସଦ୍ୟ ମା’ ହୋଇଥିବା ଜଣେ ପ୍ରାର୍ଥିନୀ । ଘର ଘର ବୁଲି ଲୋକଙ୍କ ସହ କଥା ହେବା ସହ ଭୋଟ ଭିକ୍ଷା ମଧ୍ୟ କରୁଛନ୍ତି ଦୁର୍ଗାବତୀ ପ୍ରଧାନ ନାମକ ଜଣେ ପ୍ରାର୍ଥୀ। ଏପରି ଚିତ୍ର ଦେଖିବାକୁ ମିଳିଛି କେନ୍ଦ୍ରାପଡ଼ା ଜିଲ୍ଲା ମାର୍ଶାଘାଇ ବ୍ଲକ୍ର ଦଶିପୁର ପଂଚାୟତରେ ।
ସୂଚନାଯୋଗ୍ୟ, କେନ୍ଦ୍ରାପଡ଼ା ଜିଲ୍ଲା ମହାକାଳପଡ଼ା ନିର୍ବାଚନମଣ୍ଡଳୀ ଅନ୍ତର୍ଗତ ୨୫ ନମ୍ବର ଜୋନ୍ରୁ ବିଜେଡିର ଜିଲ୍ଲା ପରିଷଦ ପ୍ରାର୍ଥୀ ଅଛନ୍ତି ଦୁର୍ଗାବତୀ ପ୍ରଧାନ। ପ୍ରଚାର ଆରମ୍ଭର ପ୍ରଥମ ଦିନରେ ଦେଖିବାକୁ ମିଳିଛି ଏକ ନିଆରା ଘଟଣା। ମା’ ଗୋଜବାୟାଣୀଙ୍କ ନିକଟରୁ ଆର୍ଶିବାଦ ନେଇ ନିଜର ସମର୍ଥକଙ୍କ ସହିତ ପଂଚାୟତରେ ପ୍ରଚାର ଆରମ୍ଭ କରିଛନ୍ତି ଦୁର୍ଗାବତୀ । ଲୋକଙ୍କ ସମସ୍ୟା ବୁଝୁଛନ୍ତି ଓ ସମାଧାନର ପ୍ରତିଶ୍ରୁତି ଦେଉଛନ୍ତି।