ବିଜେବି କଲେଜରେ ଉତ୍ତେଜନା

0

ବିଜେବି କଲେଜରେ ଉତ୍ତେଜନା। କଲେଜ ଅଧ୍ୟକ୍ଷାଙ୍କୁ ବିରୋଧ କରି କଲେଜ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ସାଙ୍ଗକୁ ନାରାବାଜି ।

ଛାତ୍ରଛାତ୍ରୀଙ୍କ ଅଭିଯୋଗ କଲେଜ ଅଧ୍ୟକ୍ଷା କଲେଜର ବିଭିନ୍ନ ପ୍ରକାର ସମସ୍ୟା ଯେମିତିକି ପାନୀୟ ଜଳ, ଅଗ୍ନି ନିର୍ବାପକ, ଫ୍ୟାନ, ଶୌଚାଳୟ ଅପରିଷ୍କାର, ଖାଲି କାଗଜରେ ଦସ୍ତଖତ ନେଉଥିବା ଅଭିଯୋଗ ସହ ସମସ୍ୟାର ସମାଧାନ କରୁନଥିବା ବେଳେ ଛାତ୍ରଛାତ୍ରୀଙ୍କର ବିଭିନ୍ନ ସମସ୍ୟା ଶୁଣୁନାହାନ୍ତି ଅଧ୍ୟକ୍ଷା।

ଯଦି କେହି ଛାତ୍ରଛାତ୍ରୀ ନିଜର ସମସ୍ୟା ନେଇ ଅଧ୍ୟକ୍ଷଙ୍କ ପାଖକୁ ଯାଉଛନ୍ତି ତେବେ ଅଧ୍ୟକ୍ଷା ଛାତ୍ରଛାତ୍ରୀଙ୍କୁ ଏକ୍ସଫେଲ୍ କରାଇବାକୁ ଧମକ ଦେଉଥିବା ମଧ୍ୟ ଅଭିଯୋଗ ଆଣିଛନ୍ତି ଛାତ୍ରଛାତ୍ରୀ । ସେହିପରି ନୂଆ ଓରେ ସ୍କଲାରସିପ୍ ଦିଆଯାଉନଥିବା ନେଇ ମଧ୍ୟ ଅଭିଯୋଗ ଆଣିଛନ୍ତି ଛାତ୍ରଛାତ୍ରୀ । ତେବେ ଏହି ସମସ୍ୟା ନେଇ ଅଧ୍ୟକ୍ଷାଙ୍କ ବିରୋଧରେ ଉଚ୍ଚ ଶିକ୍ଷା ବିଭାଗକୁ ଛାତ୍ରଛାତ୍ରୀ ଚିଠି ଲେଖିବାରୁ ଅଧ୍ୟକ୍ଷା କଲେଜରୁ ବହିଷ୍କାର କରିବାକୁ ଧମକ ଦେଉଥିବା ନେଇ ଅଭିଯୋଗ କରିଛନ୍ତି ଛାତ୍ରଛାତ୍ରୀ ।

ସେପଟେ ଏହି ସବୁ ଅଭିଯୋଗକୁ ମିଥ୍ୟା ବୋଲି କହିଛନ୍ତି ଅଧ୍ୟକ୍ଷା। କିଛି ମୁଷ୍ଟିମୟ ଛାତ୍ରଛାତ୍ରୀ ପିଲାଙ୍କୁ ଉସ୍କାଇ ଏଭଳି କରୁଥିବା କହିଛନ୍ତି ଅଧ୍ୟକ୍ଷା।

Leave a comment