ବାଲେଶ୍ବର, ଓଡ଼ିଶା ଫାଷ୍ଟ(ବ୍ୟୁରୋ)ବିଜୁ ଯୁବ ଜନତା ଦଳ, ବାଲେଶ୍ୱର ଜୋନ୍ ତରଫରୁ ବିଜୁ ଜନତା ଦଳ ରାଜ୍ୟ ସାଙ୍ଗଠନିକ ସମ୍ପାଦକ ଶ୍ରୀଯୁକ୍ତ ପ୍ରଣବ ପ୍ରକାଶ ଦାସ( ବବି ଭାଈ )ଙ୍କ ଜନ୍ମଦିନ ପାଳନ ଅବସରରେ ବାଲେଶ୍ୱର ସହର ସ୍ଥିତ ବଣିଆ ମନ୍ଦିର ନିକଟସ୍ଥ “ପ୍ରୟାସ” ଦୃଷ୍ଟିହୀନ ବିଦ୍ୟାଳୟ ଠାରେ ଦିବ୍ୟାଙ୍ଗ ଛାତ୍ର ଛାତ୍ରୀଙ୍କ ଗହଣରେ କେକ୍ କାଟିବା ସଙ୍ଗେ ମିଷ୍ଟାନ୍ନ ବଣ୍ଟନ କରାଯାଇଥିଲା । ଅନୁଷ୍ଠାନ ର ଶିକ୍ଷକ/ଶିକ୍ଷୟତ୍ରୀ ଓ ଛାତ୍ର ଛାତ୍ରୀଙ୍କ ରକ୍ଷଣାବେକ୍ଷଣ ତଥା ବିଦ୍ୟାଧ୍ୟାୟନ ସଂକ୍ରାନ୍ତରେ ଆଲୋଚନା କରାଯାଇଥିଲା ।
ବିଜୁ ଯୁବ ଜନତା ଦଳ, ବାଲେଶ୍ବର ଜୋନ୍ ର ସଭାପତି ତଥା ଜିଲ୍ଲା ପରିଷଦ ସଦସ୍ୟ ଜୟରାମ ଦାସ (ନେପୁ) ଙ୍କ ପ୍ରତ୍ୟକ୍ଷ ତତ୍ୱାବଧାନରେ ଆୟୋଜିତ ଉତ୍ସବରେ ବାଲେଶ୍ବର ଜୋନ୍ ର ସାଧାରଣ ସମ୍ପାଦକ ଗିରିଶ ଦଳେଇ,ଧୀରେନ ନାୟକ ( ଗଣ ମାଧ୍ୟମ ସଂଯୋଜକ ) ଙ୍କ ସହଯୋଗରେ ବରିଷ୍ଠ ନେତା ଅସିତ କୁମାର ଦାସ, ଯୁବ ନେତା ସୁରେଶ ଉପାଧ୍ୟାୟ ଓ ଯୁବ ଜନତା ର କର୍ମକର୍ତ୍ତା ପ୍ରମୁଖ ଉପସ୍ଥିତ ରହି ସାଙ୍ଗଠନିକ ସମ୍ପାଦକ ଶ୍ରୀ ଦାସଙ୍କ ଉତ୍ତୋରୋତ୍ତର ଉନ୍ନତି କାମନା କରିବା ସହ ଯୁବ ପୀଢ଼ି କୁ ତାଙ୍କ ପଦାଙ୍କ ଅନୁସରଣ କରିବା ନିମନ୍ତେ ସଂକଳ୍ପବଦ୍ଧ ହୋଇଥିଲେ ।