ଭୁବନେଶ୍ୱର (ଓଡ଼ିଶା ଫାଷ୍ଟ ବ୍ୟୁରୋ): ଭୁବନେଶ୍ୱରରେ ସ୍ୱତନ୍ତ୍ର ଭାବେ କମିସନରେଡ ପୁଲିସ ଥିବା ସତ୍ତେ୍ୱ ସାଇବର ଠକେଇ ରୋକିବାରେ ବିଫଳ ହୋଇଛି । ରାଜଧାନୀ ଭୁବନେଶ୍ୱରରେ ସବୁଠାରୁ ଅଧିକ ସାଇବର ଠକେଇ ଘଟୁଛି । ସାଇବର ଅପରାଧକୁ ରୋକିବାରେ ପୋଲିସ ସମ୍ପୁର୍ଣ୍ଣ ଫେଲ୍ ମାରିଛି । ଭୁବନେଶ୍ୱରରେ ସ୍ୱତନ୍ତ୍ର ଭାବରେ ସାଇବର ଓ ଅର୍ଥନୈତିକ ଥାନା ତିଆରି ହେବ । ପୂର୍ବରୁ କମ୍ ଟଙ୍କା ଠକେଇ ହେଉଥିଲା । ମାତ୍ର ଥାନା ପ୍ରତିଷ୍ଠା ହେବାପରେ ଠକେଇ ପରିମାଣ ଅଧିକ ବଢିବାରେ ଲାଗିଛି । ଅଭିଯୁକ୍ତକୁ ଧରି କାର୍ଯ୍ୟାନୁଷ୍ଠାନ କରିବା କାହିଁ କେତେ ବାଟରେ ପଡିଛି ।
ଗତବର୍ଷ ଅପେକ୍ଷା ଚଳିତ ୫ ମାସରେ ସାଇବର ଠକେଇ ୬୦% ବୃଦ୍ଧି ପାଇଛି । ଭରନେଶ୍ୱର ଡିସିପି ପ୍ରତୀକ ସିଂହ କହିଛନ୍ତି, ଥାନା ହେବା ପରେ ରାଜଧାନୀବାସୀନ୍ଦାଙ୍କ ଆଶା ବଢିଛି । ପୂର୍ବ ଠକେଇର ଶିକାର ହୋଇଥିବା ଅଭିଯୋଗକାରୀ ମାନେ ଟଙ୍କା ଫେରିପାଇବାର ଆଶା ରଖିଛନ୍ତି । ସାରା ରାଜ୍ୟ ତଥା ରାଜ୍ୟ ବାହାରେ ମଧ୍ୟ ସାଇବର ଠକେଇ ନିଜର କାୟାବିସ୍ତାର କରି ଚାଲିଛନ୍ତି । ସାଇବର ଅପରାଧ ନିୟନ୍ତ୍ରଣ କରିବା ପାଇଁ କୈାଣସି କାର୍ଯ୍ୟାନୁଷ୍ଠାନ ନିଆଯାଉନାହିଁ ।