ଏକ ନିର୍ଦ୍ଦିଷ୍ଟ ବୟସ ଅତିକ୍ରମ କରିବା ପରେ ଶରୀର ଓ ମାନସିକ ସ୍ୱାସ୍ଥ୍ୟ ପାଇଁ ଶାରୀରିକ ସମ୍ପର୍କ ଗଢ଼ିବା ଜରୁରୀ ଅଟେ, କିନ୍ତୁ ଏପରି କରିବାବେଳେ ଯଦି ଆପଣ ହାଇଜୀନ ବା ସ୍ୱଚ୍ଛତାର ଧ୍ୟାନ ନ ରଖନ୍ତି, ତେବେ ଏହା ଏକ ସମସ୍ୟା ହୋଇପାରେ । ଶାରୀରିକ ସମ୍ପର୍କ ଗଢ଼ିବା ସମୟରେ କିଛି ସତର୍କତା ଅବଲମ୍ବନ କରିବା ଭଲ । ବିଶେଷଜ୍ଞମାନେ ମନେ କରନ୍ତି ଯେ ଶାରୀରିକ ସମ୍ପର୍କ ଗଢ଼ିବା ପରେ ମହିଳାମାନେ ପରିସ୍ରା ପାସ କରିବା ଅତ୍ୟନ୍ତ ଜରୁରୀ, ଏହା ପଛରେ ବିଶେଷ କାରଣ କ’ଣ ରହିଛି ତାହା ଆସନ୍ତୁ ଜାଣିବା…
ମହିଳାମାନଙ୍କ ପାଇଁ ଶାରୀରିକ ସମ୍ପର୍କ ପରେ ପରିସ୍ରା ପାସ କରିବା ଜରୁରୀ କାରଣ ସେମାନଙ୍କର ମୂତ୍ରାଶୟ ଛୋଟ ଓ ଏଠାରେ ବ୍ୟାକ୍ଟେରିଆ ବ୍ୟାପିବାର ଅଧିକ ସମ୍ଭାବନା ଥାଏ । ପୁରୁଷଙ୍କ ବିଷୟରେ କଥା ହେବା ତ ଯୌନ ସମ୍ପର୍କ ରଖିବାବେଳେ ସେମାନଙ୍କର ପରିସ୍ରାରେ ଥିବା ଭୂତାଣୁ ସହଜରେ ମହିଳାଙ୍କ ପ୍ରାଇଭେଟ୍ ପାର୍ଟରେ ପ୍ରବେଶ କରନ୍ତି । ମହିଳାଙ୍କୁ ପ୍ରାୟତଃ ଶାରୀରିକ ସମ୍ପର୍କ ପରେ ସଂକ୍ରମଣ ହେବାର ଆଶଙ୍କା ରହିଥାଏ କାରଣ ଏହି ସମୟ ମଧ୍ୟରେ ମୂତ୍ରନଳୀରେ ବ୍ୟାକ୍ଟେରିଆ ବ୍ୟାପିଥାଏ । ୩୦ ମିନିଟ୍ ମଧ୍ୟରେ ପରିସ୍ରା ପାସ୍ କରିବା ତା’ପରେ ଏହାକୁ ସଫା କରିବା ଦ୍ୱାରା ଏହି ବିପଦ ବହୁ ପରିମାଣରେ କମିଯାଏ ।
ଶାରୀରିକ ସମ୍ପର୍କ ସ୍ଥାପନ କରିବା ପରେ ପୁରୁଷମାନଙ୍କ ପାଇଁ ପରିସ୍ରା କରିବା ଏତେ ଅଧିକ ଜରୁରୀ ନୁହେଁ କାରଣ ସେମାନଙ୍କର ମୂତ୍ରାଶୟ ମହିଳାଙ୍କ ଅପେକ୍ଷା ଲମ୍ବା ଅଟେ, ଯେଉଁଥିପାଇଁ ସେକ୍ସ ସମୟରେ ସଂକ୍ରମଣର ବିଶେଷ ବିପଦ ନଥାଏ । ଏହି କ୍ଷେତ୍ରରେ ପରିସ୍ରା ପାସ କରନ୍ତୁ ବା ନକରନ୍ତୁ, ଏହା ଆପଣଙ୍କ ପସନ୍ଦ ।
ଶାରୀରିକ ସମ୍ପର୍କ ପରେ ପରିସ୍ରା କରିବାରୁ ଗର୍ଭଧାରଣକୁ ଏଡାଇବା କଥା ସମ୍ପୂର୍ଣ୍ଣ ମିଥ୍ୟା । ଯଦି ମହିଳାମାନେ ଗର୍ଭଧାରଣରୁ ଦୂରେଇ ରହିବାକୁ ଚାହାଁନ୍ତି, ତେବେ ସୁରକ୍ଷିତ ଯୌନ ସମ୍ୱନ୍ଧର ରାସ୍ତା ଆପଣାନ୍ତୁ । ଗର୍ଭାବସ୍ଥା ପାଇଁ ଗୁରୁତ୍ୱପୂର୍ଣ୍ଣ ବିଷୟ ହେଉଛି ଶୁକ୍ରାଣୁ ଯୋନିରୁ ଫଲୋପିଆନ୍ ଟ୍ୟୁବରେ ପହଞ୍ଚେ, କାରଣ ମହିଳାମାନଙ୍କର ମୂତ୍ରାଶୟ ଅଲଗା ହୋଇଥାଏ, ତେଣୁ ଏହାର ଗର୍ଭଧାରଣ ସହିତ କୌଣସି ସମ୍ପର୍କ ନଥାଏ ।
ଶାରୀରିକ ସମ୍ପର୍କ ଗଢ଼ିବା ପରେ ଯଦି ମହିଳାମାନେ ପରିସ୍ରା କରିବାରେ ଜ୍ୱଳନ ଅନୁଭବ କରନ୍ତି, ତେବେ ଏହାକୁ ପରିସ୍ରା ସଂକ୍ରମଣକୁ ବୋଲି ମନେ କରନ୍ତୁ ନାହିଁ, ଏହି ସମସ୍ୟା ୨ରୁ ୩ ଦିନ ମଧ୍ୟରେ ଆପେ ଆପେ ଭଲ ହୋଇପାରେ, କିନ୍ତୁ ଯଦି ଦୀର୍ଘ ସମୟ ଧରି ଜ୍ୱଳନ ଅନୁଭବ ହୁଏ, ତେବେ ବିଶେଷଜ୍ଞ ଡାକ୍ତରଙ୍କ ପରାମର୍ଶ ନିଶ୍ଚୟ ଗ୍ରହଣ କରନ୍ତୁ ।