ଅଭିନେତା ହ୍ରିତିକ୍ ରୋଶନ ବର୍ତ୍ତମାନ ସୈଫ୍ ଅଲ୍ଲୀ ଖାନ୍ଙ୍କ ବିପକ୍ଷରେ ତାଙ୍କର ଆଗାମୀ ଆକ୍ସନ ଥ୍ରୀଲର ‘ବିକ୍ରମ ବେଦ’ର ମୁକ୍ତିଲାଭ ପାଇଁ ପ୍ରସ୍ତୁତ ହେଉଛନ୍ତି। ଏହି ସମୟରେ ଶୁଣିବାକୁ ମିଳୁଛି ବଲିଉଡର ଗ୍ରୀକ୍ ଗଡଙ୍କୁ କରଣ ଜୋହର ଏବଂ ଆୟାନ ମୁଖାର୍ଜୀ ‘ବ୍ରହ୍ମାସ୍ତ୍ର-୨’ ପ୍ରଦାନ କରିଥିଲେ। ଏହି ଫିଲ୍ମର ପାର୍ଟ ୨ରେ ହ୍ରିତିକଙ୍କୁ ଦେବଙ୍କ ଭୂମିକା ଦିଆଯାଇଥିଲା।
ଯାହା ସେ କରିବାକୁ ମନା କରିଦେଇଥିଲେ। ହ୍ରିତିକ ‘ବ୍ରହ୍ମାସ୍ତ୍ର ୨’ରେ କାମ କରିବା ପରିବର୍ତ୍ତେ ‘କୃଷ୍ଣ ୪ ‘ଏବଂ ‘ରାମାୟଣ’ ଚୟନ କରିଥିଲେ।
ଏହି ଦୁଇଟି ଫିଲ୍ମରେ ହ୍ରିତିକ୍ ସାଇନ୍ କରିସାରିଛନ୍ତି। ହ୍ରିତିକ ମଧ୍ୟ କରଣ ଜୋହର ଏବଂ ଆୟାନ ମୁଖାର୍ଜୀଙ୍କ ସହ ଖୋଲାଖୋଲି ଭାବେ କଥା ହୋଇଛନ୍ତି। କାରଣ ଏପରି ପ୍ରତ୍ୟାଖ୍ୟାନ ଉଭୟ ଫିଲ୍ମ ନିର୍ମାତାଙ୍କ ସହ ତାଙ୍କ ସମ୍ପର୍କକୁ ନଷ୍ଟ କରିପାରେ।
ଗଣମାଧ୍ୟମର ରିପୋର୍ଟ ଅନୁଯାୟୀ, ବ୍ରହ୍ମାସ୍ତ୍ରର ଟିମ୍ ଏବେ ଅନ୍ୟ ଜଣେ ଅଭିନେତ୍ରୀଙ୍କୁ ଖୋଜୁଛି। ଯିଏକି ଦେବଙ୍କ ଭୂମିକା ପାଇଁ ଉପଯୁକ୍ତ ହେବ। ହ୍ରିତିକ୍ ‘ବ୍ରହ୍ମାସ୍ତ୍ର-୨’ ରେ କାମ କରିଥିଲେ ଏହା ଲାଭଜନକ ହୋଇଥାନ୍ତା। କିନ୍ତୁ ବର୍ତ୍ତମାନ ହ୍ରିତିକ ମନା କରିବା ପରେ କିଏ ଏହି ଭୂମିକାରେ ଅଭିନୟ କରିବେ ସେନେଇ ପ୍ରଯୋଜକ ଚିନ୍ତାରେ। ଯଦିଓ ‘ବ୍ରହ୍ମାସ୍ତ୍ର-୨’ ରିଲିଜ ହେବାକୁ ଆହୁରି ଦୁଇ ବର୍ଷ ଲାଗିବ। ତେବେ ଦେଖାଯାଉ କିଏ ଏଥିରେ ହିରୋ ଭୂମିକାରେ ନଜର ଆସୁଛନ୍ତି।