ଓଡ଼ିଶା ଫାଷ୍ଟ(ବ୍ୟୁରୋ):ଯାଜପୁର ଜିଲ୍ଲା ଧର୍ମଶାଳା ବ୍ଲକର ପାଟପୁର, ଅଣ୍ଟିଆ, ଜେନାପୁର ପଞ୍ଚାୟତରେ ତିନୋଟି ବାତ୍ୟା ଆଶ୍ରୟସ୍ଥଳୀର ଶୁଭ ଶିଳାନ୍ୟାସ ଉତ୍ସବ ଅନୁଷ୍ଠିତ ହୋଇଛି। ଏହି ଉତ୍ସବରେ ଧର୍ମଶାଳା ବିଧାୟକ ପ୍ରଣବ ବଳବନ୍ତରାୟ ଯୋଗଦେଇ ତିନୋଟି ବାତ୍ୟା ଆଶ୍ରୟସ୍ଥଳୀର ଶିଳାନ୍ୟାସ କରିଛନ୍ତି ।
ଗ୍ରାମ୍ୟ ଉନ୍ନୟନ ବିଭାଗ ପକ୍ଷରୁ ୪ କୋଟିରୁ ଉର୍ଦ୍ଧ୍ୱ ଟଙ୍କାର ବ୍ୟୟରେ ତିନୋଟି ବାତ୍ୟା ଆଶ୍ରୟସ୍ଥଳୀ ନିର୍ମାଣ ପାଇଁ ଅର୍ଥ ବ୍ୟୟ ବରାଦ ହୋଇଛି। ଏହି ତିନୋଟି ପଞ୍ଚାୟତରେ ବାତ୍ୟା ଆଶ୍ରୟସ୍ଥଳୀର ବେଶ ଆବଶ୍ୟକତା ରହିଛି । ବାତ୍ୟା, ବନ୍ୟା ଭଳି ପ୍ରାକୃତିକ ଦୁର୍ବିପାକରେ ଲୋକଙ୍କୁ ସୁରକ୍ଷିତ ସ୍ଥାନକୁ ନେବା ପାଇଁ ଏହି ଆଶ୍ରୟସ୍ଥଳୀ ଗୁଡିକ ସହାୟକ ହେବ ବୋଲି ବିଧାୟକ କହିଛନ୍ତି। ଏହି ଶିଳାନ୍ୟାସ ଉତ୍ସବରେ ଜିଲ୍ଲାପରିଷଦ ସଭ୍ୟା ପ୍ରଣତି ଲେଙ୍କା, ସରପଞ୍ଚ ଓ ବିଭାଗୀୟ ଅଧିକାରୀ ଆଦି ସାମିଲ ହୋଇଥିଲେ।